Home Comentario Departamento di labor: ...

Departamento di labor: registro di personal y kico?

12
0
SHARE
- Advertisement -

Remitido

E información den prensa local cu un deadline pa tur negoshi entrega nan registro di personal pa mas tarda 4 di mei 2018 ta e comienzo di un oficina di CENSO pa tur negoshi y tur trahador di Aruba?

Ohala Gobierno realisa cu a bira tempo pa tin un oficina di CENSO di Gobierno mas caminda ta registra tur negoshi y tur trahador di Aruba di moda cu  Gobierno sa y por controla si tur negoshi y trahador ta cumpli cu pago di seguronan social (SVB) y cu impuestonan di Gobierno (Servicio di Impuesto).

Tambe a bira tempo pa Gobierno bin cu un forma so (number unico) pa registra cada negoshi y cada ciudadano di moda cu tur instancia di Gobierno por usa e mesun registración y por comunica  cu otro fácil ora  di control.

Si Departamento di Labor manda e información cu nan haya for di e registronan di personal en cuestión pa SVB y pa SERVICIO DI IMPUESTO, e instancianan aki por cuminsa controla si nan tin tur negoshi y trahador registra cerca nan y si tur ta pagando primanan social y impuestonan según leynan di Aruba. No solamente Dept. di Labor mester  intercambia nan registración cu SVB i Servicio di Impuesto , pero SVB y Servicio di Impuesto tambe mester controla cu otro si tur negoshi y trahador ta registra cerca nan pa pais Aruba por cobra tur negoshi y trahador loke leynan ta prescribi. Por ta asina pais Aruba lo por haya mas entrada pa paga e debenan grandi cu Aruba tin y no laga cu ta ciudadanonan so tin cu carga cu e debenan pagando extra cu e “crisis heffing” cu Gobierno ta bay introduci.

 

rsarends@hotmail.com

 

- Advertisement -

DUNA COMENTARIO

Please enter your comment!
Please enter your name here