Home Enseñanza Diferente tayer durante celebracion di Dia di Trahador Administrativo na EPI

Diferente tayer durante celebracion di Dia di Trahador Administrativo na EPI

15
0
SHARE
- Advertisement -

ORANJESTAD  (AAN): E aña aki pa prome biaha Colegio EPI unit Economia ta celebrando ‘Dia di Trahador Administrativo y Secretaria’ (Administrative Professionals Day) cu e studiantenan riba 18 y 19 di April.

DIARIO Diaranzon a entrevista juffrouw Shahaira Landa Rodulfo  y el a splica cu e intencion ta pa durante full e siman e studiantenan sa cu nan ta wordo poni den ‘spotlight’.

“E meta ta pa nos concientiza nos studiantenan riba kico e puntonan cardinal ta pa nan carera profesional”.

“E lema cu nos ta uza ta ‘You can count on me’”.

Esaki segun Rodulfo, kende a sigui bisa cu ora cu bo ta den un trabao administrativo (Admin), e hendenan mester por conta riba bo.

“E Admin ta e prome cara, voz y e man drechi di e compania, pues nos kier mustra nan cu hunto trahando den un team, nos por conta riba nan pa hiba e compania dilanti y asina hiba Aruba tambe dilanti”.

Durante e prome dia esta Diaranzon, diferente tayer a wordo organiza pa nan haya un mihor bista den nan carera profesional.

Juffrouw Rodulfo a splica cu hopi di e tayernan a wordo duna pa ex studiantenan di EPI , cu awor ta profesionalnan exitoso.

Entre otro a wordo duna un tayer di makeup, vestuario, etiketa di social media, etiketa di telefon y email y di public speaking.

Pa e alumnonan di tercer aña te hasta a wordo organiza un tayer di comemento, pasobra hopi biaha un trahador administrativo manera un secretaria por bay come cu e hefe y e mester sa pues ki ora pa tuma e forki of cuchio corecto.

Esaki segun e maestra, kende a splica cu tin algun profesional den mundo laboral cu a contribui cu tayernan Diaranzon, incluyendo entre otro Jason Margarita, Radinka van Vuurden, Andrew Curiel, Maruta Veris Andy Veeris, Jaqueline Suttle, Lindy Croes y Toast Masters.

Rodulfo a splica cu e studiantenan mester a paga bon tino Diaranzon durante e tayernan, pasobra awe nan ta bay na na Renaissance Convention Center, unda cu tur locual nan a haya den teoria Diaranzon, nan tin cu aplica awe durante diferente wega cu ta wordo organiza.

 

- Advertisement -

DUNA COMENTARIO

Please enter your comment!
Please enter your name here