Home Turismo Director di ATA a anuncia aumento di vuelo di AVIANCA na dos...

Director di ATA a anuncia aumento di vuelo di AVIANCA na dos diariamente

110
0
SHARE
- Advertisement -

ORANJESTAD (AAN) – Durante un encuentro cu un grupo di top agentenan di viahe di AVIANCA, na Latinoamerica, sra. Ronela Croes, director di Oficina di Turismo di Aruba, a yama e grupo aki bon bini na Aruba.

Director di AVIANCA a expresa palabra di gratitud na e compania aki pa a scoge nos dushi Isla di Aruba pa entrega premiacion na te top agentenan aki.

El a duna nan un cordial bon bini, y a señala cu sin nan lo no tabata posible pa ATA logra su obhetivonan turistico den nos region.

E director di ATA a menciona cu Avianca ta e aerolinea cu mas pasahero ta transporta pa Aruba for di Latinoamerica.

Un total di 17.754 bishitante a yega Aruba abordo di Avianca na 2017, no obstante e retonan, y pa e aña en curso un total di 11.902 bishitante durante e prome trimester.

Croes a relata cu Aruba ta un Isla chikito cu ta biba di turismo y pesey ta asina importante pa tin nos aliadonan comercial den nos cas.

“Pues, boso ta e cara y vocero di nos pais y cu boso entusiasmo y esfuerzo ta logra enamora e personanan aki, cu ta dicidi di bin pasa nan dianan riba nos Isla”, e dama a expresa.

E directora di ATA a agrega cu aña pasa Aruba a ricibi mas di un miyon 500 mil bishitante di cual 19 porciento di e mercado ta di Latinoamerica.

Sra. Croes a señala cu ta facil pa bise, pero detras di e resultadonan aki tin hopi persona poniendo nan dedicacion pa esaki ta posible, no solamente dentro di e Isla pero pafo tambe.

Pa 2018 e ta spera cu e cantidad ta sigui crece for di e bishitantenan di AL, implementando strategianan di diversificacion den nos mercadonan principal di Colombia, Brasil y Argentina y fortaleciendo e presencia di Aruba den Chile y Peru, y mas cu claro nos ta habri pa otro mercadonan manera Bolivia.

E dama a gradici den nomber di su coleganan cu dia dia ta traha pa e turismo di nos Isla Feliz, y di e pueblo Arubano, e esfuerzo realiza pa e top agentenan di AVIANCA cu tabata presente.

Pasobra nan a posesiona e destino Aruba como un di esnan predilecto na America Latina y apoyando principalmente nos mercado na Colombia, cu por cierto e aña aki ta celebra 25 aña di Oficina di ATA su oficina aya.

Tambe lo wordo celebra cu dia 17 di Juni venidero, lo aumenta e vuelonan di AVIANCA na dos pa dia, incrementando asina su cantidad di asiento na 46 porciento. “Danki Avianca”!

Di su parti CEO di ATA a desea e grupo di agentenan aki, un feliz estadia na Aruba, cu nan por a conoce nos Isla y disfruta di dje, y di e amabilidad di nos hendenan, nos precioso playanan cu a wordo cataloga como un di esnan di mas bunita di mundo aña aden aña afo, y como bon destino pa vacacion familiar den Caribe.

El a felicita nan tambe pa e bon trabao cu nan a bin ta desplegando.

 

 

 

 

- Advertisement -

DUNA COMENTARIO

Please enter your comment!
Please enter your name here