Home Turismo Divi Divi Air for di Corsow a haci su vuelo inaugural pa...

Divi Divi Air for di Corsow a haci su vuelo inaugural pa Aruba

40
0
SHARE
- Advertisement -

ORANJESTAD  (AAN): Dialuna, 23 di April, aeropuerto Reina Beatrix a yama un bon bini na e vuelo inaugural di Divi Divi Air for di Corsow.

Barbara Brown di parti di  AAA, a duna un palabra di bon bini na e invitadonan y miembronan di prensa y a mustra cu por a mira un crecemento fuerte entre e islanan ABC. Pesey e vuelo adicional aki di

Divi Divi Air ta un desaroyo hopi positivo pa e mercado ey. AAA ta sumamente contento tambe di por amplia cu mas aerolinea. Awor aki tin un total di 25 aerolinea cu ta opera, incluyendo Divi Divi Air den e grupo ey. Divi Divi Air ta mas cu bon bini pa ta entre e partnernan cu ta operando na aeropuerto.

Divi Divi Air no ta opera no solamente cu 6 vuelo pa siman entre Corsow y Aruba, pero un biaha pa siman tin un vuelo di Aruba pa Boneiro y di e manera ey ta amplia su servicio aereo entre e islanan bisiña di Aruba.

Divi Divi Air tin como meta pa opera como aerolinea eficiente y confiabel pa tur e pasaheronan local y tambe internacional cu ta biaha entre islanan ABC. Ta desea Divi Divi Air tur clase di exito den e operacion nobo aki aunke cu a cuminsa caba for di dia 15 di Februari, haciendo e operacionnan aki y awo a dicidi di duna Divi Divi Air un bon bini oficialmente na aeropuerto di Aruba.

Germaine Durand ta CEO di Divi Divi Air y a celebra oficialmente nan vuelo inaugural, aunke cu nan ta bulando pa Aruba caba pa dos luna. Pa varios motibo no a logra efectua e vuelo inaugural te cu awe. Tabata tin un schedule tiki dificil y hendenan no tabata tey. Pero por fin a cuadra e schedule cu por a celebra e vuelo inaugural aki.

Durand a splica cu Divi ta un compania estableci na Corsow for di 2000 y na 2001 a cuminsa cu vuelo pa Boneiro. Awor kier a haci vuelonan programa pa Aruba. Den pasado nan tabata haci charterflights caba pero awo kier haci’e riba un base programa, cu nan tin un timetable.

Awor aki a cuminsa cu dos vuelo, door cu net nan ta cuminsando gradualmente. Manera cu demanda subi, intencion ta pa haci’e di 4 te cu 5 vuelo riba un dia. E vuelo ta sali for di 8’or for di Corsow, yega Aruba 8’or y mey. Sali for di Aruba pa 9’or y mey di mainta. Den fin di siman tin un vuelo directo for di Aruba pa Boneiro.

Esey ta pa haci conexion cu e Mericanonan cu tin cu bay Boneiro di biaha. Si hende cu kier bin di Boneiro bay Aruba, tin esey. Si tin cu bay di Aruba pa Boneiro, e escala pa Corsow ta cortico.

Awor aki tin dos avion. Idea ta si pa den un di dos fase pa expande. Nan tin awor aki nan a lucha pa yega cu loke nan tin. E no ta facil den aviacion. Corsow no tin un aviacion cu no semper ta bay smooth. Pa Divi Divi Air no tabata facil pa yega na e expansion aki. Awor aki cu tin esaki, lo kier bay wak si por conecta e islanan ariba tambe, door cu e meta ta pa conecta e islanan di ex Antias cu otro.

Secretario interino general di economia y desaroyo  na Corsow, sr. Girigorie, a comenta cu ta sumamente importante ora ta trata conectividad pa loke ta e laso familiar pero mas leu, e laso comercial. Tin bastante producto y servicio cu ta integra, tanto di Aruba pa Corsow pero di Corsow pa Aruba. Un vuelo manera esaki dimes ta yuda cerca esnan cu ta dirigi pa haci negoshi cu ta yega mainta y bay atardi. Bo ta evita e trayecto di warda hopi riba un aerolinea grandi. Mas conexion bo tin mas actividad economico bo ta genera y mas comercio bo ta genera tambe.

Den e caso di servicio pero tambe di productonan cu ta transporta di Corsow bin Aruba. Tambe tin un posibilidad por ta un tiki menos compara cu un avion grandi, pero si e posibilidad di manda cosnan cu ta urgente di Corsou pa Aruba, cu por contribui na e laso economico cu tin entre e dos paisnan aki.

Esaki sigur ta habri porta pa tiponan di comercio na Corsow cu por haci uzo di oportunidadnan asina pa por expande mas. Esaki ta un prome paso, fortificando esaki, cu miras pa expande nan mucho mas tanto, modo cu bo ta haya mas tanto comercio cu por tuma luga cu prijsnan aceptabel.

Mas tanto bo tin aerolinea ta bula riba e ruta aki, mas competencia bo ta haya pa loke ta e prijs y servicio cu ta entrega y ta contribui e ora cu mas posibilidad pa yega mas ora y na un bon prijs, Girigorie a bisa finalmente.

 

 

- Advertisement -

DUNA COMENTARIO

Please enter your comment!
Please enter your name here