Home Comentario Durante control den supermercado chines tene cuenta tambe insecticida riba producto

Durante control den supermercado chines tene cuenta tambe insecticida riba producto

25
0
SHARE
- Advertisement -

Suplica di algun consumidor:

ORANJESTAD (AAN) – Pueblo ta mira cu bon wowo cu tin control ta tumando lugar den supermercadonan pa loke ta regarda calidad, prijs y higiene.

Pero tin un aspecto cu no ta tende nada di dje y cu ta un preocupacion cu ta reina den pueblo pa añanan caba, y cu Departamento di Salud ta na haltura di dje.

Esaki ta e tipo di insecticida cu hopi supermercado chines ta uza riba nan productonan lagando un holo masha desagradable, pero cu tambe a cambia e smak. E ta hole y ta smak manera detergente.

Por ehemplo productonan deriva di lechi manera keshi, hopi consumidor no ta cumpra nan mas den supermercado chines den bario, pasobra no por consumi nan cu e smak y holo ey.

Cierto frutanan manera pineapple, patia of papaya cu nan ta parti pida pida lora nan den plastic. Incluso druif. Tur ta impregna cu e holo y e mal smak y no por laga e pan afo. Tambe tin hende cu ora nan cumpra pan den pura, ta haya asco y hasta ta bira malo pa e motibo aki, y riba esey ningun tipo di control tin.

Esaki ta un peticion di diferente consumidor via DIARIO pa nos ministernan concerni y departamentonan cu ta envolvi den e control riba calidad di producto.

E fenomeno aki no ta na Aruba so. Tin paisnan manera Panama y Republica Dominicana cu e mesun situacion a wordo presenta y consumidornan a haci denuncia, y a resulta cu ta un spry cu ta afecta e salud di hende, cu por causa alergia, diarea y gastritis.

Tin investigacion y estudionan haci den exterior, y medidanan tambe cu a wordo tuma. Di con na Aruba si, riba e asunto aki ningun instancia di gobierno ta haci net nada? Kehonan tin, pero tanto bal!

- Advertisement -

DUNA COMENTARIO

Please enter your comment!
Please enter your name here