Home Salud E siman di Actividad Fisico

E siman di Actividad Fisico

26
0
SHARE
- Advertisement -

ORANJESTAD (AAN): E fecha di Diabierna 6 di April, lo ta “Dia Mundial di Actividad Fisico”.

Conmemorando e día aki varios evento ta worde organiza rond mundo. Pa varios aña caba na Aruba – Fundacion di Moviemiento ta Bida (FMTB) cu cooperacion y aliansa di demas organizacion – tambe ta celebra e dia aki cu actividadnan fisico pa mucha, hoben,adulto y e Adulto Clasico.

E aña aki un biaha mas esaki ta worde celebra, pero FMTB a dicidi pa haci un siman di actividad fisico envez di un dia.

Despues di 3 luna di hopi trabao FMTB a logra cu hopi entusiasmo y satisfaccion di tur e participantenan y organizadornan di a hinca un siman cu hopi actividad den otro. E siman di Actividad Fisico lo cuminsa dia 2 y lo termina dia 9 di april 2018.

Dia 6 di april lo converti henter caya Grandi na Oranjestad den un centro di actividad for di 6 or di atardi te cu 10 or di anochi.

Mas cu nunca Directiva di FMTB lo kier pone attencion ariba movecion pa tur hende e aña aki y e lema ta: “Sea activo tur dia”.  Esaki ta conta pa tur edad masculino y femenino.

Pa dia 9 di april un suplica ta bay na tur school rond di Aruba pa ariba promer dia di school tene un actividad fisico p’asina concientisa tur studiante ariba esaki. Hunto nos mester cuminsa pone mas attencion ariba nos curpa cu mester move tur dia p’asina nos tene nos mes den condicion y mehora nos salud. Esaki ta cuminsa for di chiquito te grandi.

- Advertisement -

DUNA COMENTARIO

Please enter your comment!
Please enter your name here