Home arte y espectaculo ELITE cla pa su Concierto “Cuatro Galan Cantando pa Mama” diasabra 12...

ELITE cla pa su Concierto “Cuatro Galan Cantando pa Mama” diasabra 12 di Mei na Marriott Ballroom

26
0
SHARE
- Advertisement -

ORANJESTAD (AAN) – Elite Productions a tene un conferencia di prensa na Marriott Resort, pa informa comunidad tocante nan concierto “Cuatro Galan cantando pa Mama”, cu ta di calidad y bunita, specialmente, pa honra tur e mamanan den nos comunidad.

Dwight Leoneta a duna informacion al respecto. Nan a expresa cu aña pasa e concierto tabata sumamente exitoso cu cuater galan cantando pa mama, y e aña aki tin un galan mas riba stage pa malcria e mamanan un tiki mas.

E cuater cantantenan tur a hiba palabra den e conferencia di prensa y a conta un tiki di cada un su experiencia di e concierto di aña pasa cu tabata grandioso y haci invitacion pa regala mama e bunita concierto aki y busca nan ticket na tempo, y bin den famia.

E presentacion lo ta riba diasabra 12 di Mei anochi, pues vispera di Dia di Mama, den ballroom di Marriott.

Palabranan di gradicimento tabata tin pa e promotornan pa haci e presentacion aki posible. Nan a invita e famianan pasobra e ta un concierto pa famia. Lo tin un orquesta presente, pa deleita e publico. E lo ta un anochi bibo cu hopi musica y canto pa tur e mamanan cu lo tey presente.

 

 

 

 

- Advertisement -

DUNA COMENTARIO

Please enter your comment!
Please enter your name here