Home Parlamento Endy Croes di MEP mustrando cu ta drentando un siman pisa

Endy Croes di MEP mustrando cu ta drentando un siman pisa

66
0
SHARE
- Advertisement -

ORANJESTAD (AAN): Parlamentario Endy Croes ta splica cu e siman aki lo bay ta un siman pisa. Durante e siman aki presupuesto 2018 lo mester worde aproba pa asina e cana su caminda y bay Gobernador pa worde formalisa den cuadro di palabracionnan promer cu 30 di April 2018.

Croes ta splica cu no ta un decision facil pero despues di a sondea tur manera mester conclui cu mester bin cu un crisis heffing temporal.  Momento cu Coalicion a tuma over e gobierno 17 di November 2017 a cuminsa haya mesora e promer señalnan di cuentanan gigantesco cu na e momentonan ey no tabata worde paga. AZV, ATA, Comerciantenan cu a brinda servicio na gobierno y asina por sigui menciona.

Mester a bay parlamento pa aproba un prestamo di 130 MIYON Florin pa paga cuentanan habri y placa cu AVP a malgasta durante campaña. No mester lubida cu Mike Eman a festeha su cumpleaños riba e brug y a book esaki pa pueblo paga un total di Afl. 142 mil Florin riba un solo anochi. Un homber chikito cu un salario minimo di Afl. 1700 Florin pa luna mester traha 7 aña largo pa alcansa e suma di Afl. 142000 Florin.

Si nos papia di e debe nacional cual na 2008 tabata 41.7% di GDP di acuerdo cu rapport oficial di Banco Central, esaki a redobla den 8 aña danki na e maneho iresponsabel di AVP y a alcansa 93% di nos GDP. Esaki kiermen cu di cada Florin cu drenta caha di gobierno mediante belasting, 93 cent ta comprometi pa paga debe y gobierno actual mester haci milager cu e 7 cent cu ta resta pa paga tur empleado y rond pais Aruba.

Un mision  imposibel  cu AVP a laga atras. Coalicion a hereda un desaster nunca bisto. No obstante esaki a traha un plan pa rescata Aruba y saca nos pais for di un abismo y rand di bancarota. E compromiso  y nos FE ta grandi y cu e boluntad di pueblo nos lo percura den e proximo 4 añanan di Coalicion pa sanea Aruba y trece back e felicidad den curason di nos hendenan. Siman pisa den porta pero e ta pa e causa mayor y e causa comun.

 

- Advertisement -

DUNA COMENTARIO

Please enter your comment!
Please enter your name here