Home Parlamento Endy Croes ta opina cu el a gara Benny manera Djaca den...

Endy Croes ta opina cu el a gara Benny manera Djaca den trampa!

57
0
SHARE
- Advertisement -

ORANJESTAD(AAN)– Segun un comunicado di fraccion di MEP, Parlamentario Endy Croes a reacciona riba ponencianan ridiculo di Benny Sevinger. Segun Benny cu AVP tin e vision y e proyectonan PPP ta entre otro e solucion.

Croes ta splica cu proyectonan PPP no ta algo nobo y enberdad rond mundo sa haci uso di e sistema aki unda un compania internacional ta traha e proyecto completo y gobierno lo mester paga esaki den un x cantidad di aña cu un interes halto mientras pa e termino ey e compania cu a traha esaki lo haci e mantencion.

   Loke ta e diferencia:

Normalmente momento cu un pais dicidi pa haci un proyecto al estilo PPP e pais mester percura pa e tin esaki presupuesta pa asina cu e proyecto keda cla y entrega, bo tin placa reserva pa por paga esaki sin tin mester di bati na porta di pueblo cu un of otro tipo di extra belasting pa por cubri bo idea y proyecto.

   Financial Transfer Levy:

Benny  kier insinua cu AVP tin e solucion pa paga e proyectonan PPP aki. Aki nos ta gara Benny ta gaña.   Pues aki ta gara Benny manera un djaca bieu den trampa. Inicialmente AVP a mara Aruba cu diferente proyecto PPP sin pensa nunca con ta paga esakinan. Parlamentario Croes ta ilustra  un memorie van toelichting di gobierno di AVP di 2015 (DWJZ 14-081).

Esaki claramente ta desenmascara “Benny” alaves conoci den ortogamento di terenonan comercial. AVP su pensamento tabata pa bin cu un Financial Transfer Levy di 0.5%, pues un otro tipo di belasting riba tur transaccion pa asina purba genera placa pa paga e proyectonan PPP. Pues ta pueblo nan lo a cobra esaki pa por cumpli.

    Pueblo mara na man cu pia:

Den e mesun memorie van toelichting aki AVP mes ta menciona textualmente: “Vanaf 2015 worden geen nieuwe (meerjarige) verplichtingen (PPP) aangegaan ZONDER aangewezen dekkingsmiddel”. Aki AVP mes ta admiti cu tur e proyectonan di PPP firma promer cu 2015 a wordo firma sin cu nan tabata tin pensa ni con pa paga nan, esta no tabata tin dekkingsmiddel (wak bijlage).

Ta con Benny awor kier splica cu PPP ta e solucion? Asina ta gara AVP ta gaña usando nan propio documentonan pa ilustra esaki.  E sinberguensanan aki a djis mara e pueblo aki na man cu pia unda pueblo lo mester paga 80.5 MIYON pa mas cu 20 aña. Esaki ta e VISION y SOLUCION di Benny y AVP.

Asina AVP ta maniobra. Hortabo den bo cara y despues gaña di yora den nan medionan comprometi pa pueblo haya duele di nan. Mi lo priminti pueblo cu mi no lo descansa te ora cu logra pone Benny Sevinger personalmente responsabel pa su actonan. Hopi tristo. Pueblo, ban uni pa nos pasa e momentonan duro aki hunto cu e solo meta cu pronto Aruba lo ta bek salud y fuerte, segun e comunicado entre otro.

- Advertisement -

DUNA COMENTARIO

Please enter your comment!
Please enter your name here