Home Turismo Europa ta un mercado importante cu ta representa 8% di nos bishitantenan

Europa ta un mercado importante cu ta representa 8% di nos bishitantenan

18
0
SHARE
- Advertisement -

CEO di ATA:

ORANJESTAD  (AAN): E siman aki ta tumando lugar e asina yama Aruba Meets Europe (AME), unda cu un cantidad grandi di Tour Operators di Europa specialmente ta presente, pa haya sa mas di e desaroyonan di Aruba rond turismo.

CEO di ATA Ronella Tjin Asjoe-Croes ta un di esnan cu a duna un presentacion riba Diamars cu ta dia di e apertura di e evento.

Den un entrevista el a splica DIARIO cu el a keda satisfecho cu e cantidad di participante y cu e hecho cu e participantenan ta di diferente mercado.

Tanto di e mercadonan tradicional di Europa esta Alemania, Hulanda, Inglatera, Hulanda, Scandinavia y Italia, como tambe di socionan potencial manera di Polonia y Belgica cu ta representa mercadonan atractivo.

“Ta pues un mix di e socionan cu ta tuma e tempo di bin Aruba, esta esnan cu ta bende Aruba caba y tambe otronan nobo cu ta negoshinan potencial nobo pa Aruba”, segun e CEO di ATA.

Den su presentacion el a duna un bista di diferente cifra.

“E mercado di Europa ta un mercado importante, pasobra e ta uno stabil pa añanan largo caba pa Aruba”.

“Si bo wak añanan 90 bin dilanti, Europa semper a representa 8% di e total di cantidad di bishitante cu nos ta ricibi”.

Esaki segun Tjin Asjoe-Croes, kende a sigui bisa cu e mercado di Europa ta uno cu ta crece tambe, unda cu aña pasa el a crece cu 5%, mientras cu den prome cuartal di e aña aki tur mercado di Europa a mustra un crecemento.

“E perspectivanan ta sigui mustra bon tambe, mientras cu e mercadonan Hulandes y Italiano ta mustra sigur di tin mas oportunidad”.

“Na final di dia locual nos ta comunica semper tambe ta cu volumen di bishitante ta importante, pero pa nos como pais Aruba e tipo di bishitante cu nos atrae, esta uno cu por laga mas den nos economia, sigur ta algo cu nos ta subraya hopi den nos presentacionnan tambe”, segun e CEO.

 

- Advertisement -

DUNA COMENTARIO

Please enter your comment!
Please enter your name here