Home Deporte Evento di Premio Excelencia den Deporte a tuma lugar diasabra ultimo den...

Evento di Premio Excelencia den Deporte a tuma lugar diasabra ultimo den Marriott Ballroom

81
0
SHARE
- Advertisement -

ORANJESTAD (AAN): Diasabra anochi den Marriott Ballroom a tuma lugar e magno evento di Premio Excelencia den Deporte.

Un anochi di gala caminda diferente atletanan den presencia di Ministernan, parlamentarionan y nan famia a worde premia pa nan logronan deportivo den aña 2017. Loke a haci e evento special e anochi aki ta e hecho cu esaki ta e di 15 aña cu PED ta tumando lugar. Un evento cu su proposito ta pa elogia y motiva tur e atletanan di Aruba.

E aña aki PED a conoce un cantidad di 14 federacion cu a manda un total di 84 atleta como nominado pa worde premia pa nan logronan deportivo den aña 2017. Tambe a premia atletanan di Special Olympics, Paralympics y atletanan di schoolnan basico y voortgezet onderwijs.

Ganadornan:

Atleta Femenino te cu 13 aña: Amika Every. Atleta Masculino te cu 13 aña: Christiaan Jansen. Atleta Femenino 14 te cu 18 aña: Chiara Petrocchi. Atleta masculino 14 te cu 18 aña: Daniel Jacobs. Nobato deportivo femenino: MariaJosé Salazar. Nobato deportivo masculino: Edmund Lagmay. Atleta cu a destaca localmente: Linda Smith. Atleta di aña International: Thashaina Seraus.

Special Olympics y Paralympics:

Ganadornan di Special Olympics a resulta di ta Mark Gonzales y Rashely Diaz Wester. Ganadora di Paralympics ta Shenely Tromp.

School Basico di aña: Prinses Amalia Basisschool

Deportista di aña basis onderwijs Femenino y Masculino: Zuleima Hermanus (School Basico Washington) y Yoswill Pillier (School Basico Washington)

Voortgezet Onderwijs school di aña : Abraham de Veer School

Deportista di aña Femenino y Masculino: Gilia Croes (Colegio Oranjestad) y Ricardo Carillo (Colegio Oranjestad)

Durante e anochi aki tambe a duna honor na atletanan cu no a worde nomina pero cu sigur ta destaca den e mundo deportivo manera Sophia Petrocchi y David Polanco. Tambe tabata tin Honor al Merito kende nan tabata:

Emeterio Bareño, Toko Tromp, Rufo Kelly, Gerardo Kock y Augustin Bernabela. Pabien na tur e atletanan y tambe na e comision di PED cu a haci e anochi aki uno inolvidabel pa tur invitado.

 

- Advertisement -

DUNA COMENTARIO

Please enter your comment!
Please enter your name here