Home Parlamento Ex-minister Sevinger a firma mas di 8 mil carta pa tereno dunando...

Ex-minister Sevinger a firma mas di 8 mil carta pa tereno dunando pueblo un speranza falso

25
0
SHARE
- Advertisement -

Parlamentario Alan Howell

ORANJETSAD (AAN); Un tema importante cu a worde atendi door di Parlamentario Alan Howell ta relaciona cu e cantidad di toezeggingnan di tereno cu  worde firma pa e ex minister Sevinger.

E ta indica cu tin masha hopi hende for di por lo menos aña 2013 bin ariba, mas specifico durante Gabinete Mike Eman II, a haya un 6 pa un 9. Tin aproximadamente 8 mil papel firma pa e ex minister Sevinger. E papelnan aki ta dirigi na e director di DIP y ta bisa ‘akkoord voor…’ o ‘gaarne uwer zijds medewerking’.

E practica aki por a worde mira for di prome cu eleccion 2013 y tabata worde firma den pura. Howell ta bisa cu mas cu claro e persona ta keda contento  cu el a ricibi un firma di minister. Despues e ta bay feliz na DIP keriendo cu e ta bay haya su tereno, pero despues e ta bin haya sa cu no tin tereno pe. Pero mientras cu esaki a pasa, ya el a vota caba.

E mesun practica aki a ripiti aña pasa prome cu eleccion, inclusive algun dia prome y asina ta yega na un total di 8 mil plus papel firma di hendenan cu a haya nan cara abou keriendo cu tin tereno pa nan sin cu esaki tabata berdad.

Fraccion di POR ta considera esaki un falta di respet total pa nos ciudadanonan cu ta keda en expectativa pa haya tereno y no ta haya nada, mientras cu di otro banda por a mira e e ex minister a mantene su mes bon ocupa cu comerciantenan  cu terenonan pa condominio, camber, edificionan, etc.

Howell ta bisa cu e tipo di practicanan aki mester caba y tin diferente pregunta pa Minister Otmar Oduber pa haya sa con el lo haal in tur e personanan aki cu a keda defrauda.

Por a compronde cu ta tumando lugar un reorganizacion despues cu Minister Otmar Oduber a asumi a encargo di Infrastructura y den e cuadro aki Alan Howell a haci un apelacion na tur persona cu tin un carta cu e firma di ex minister Benny Sevinger pa pasa cu e carta aki na DIP pa nan schrijf in back pa por inicia e proceso y bin na remarke pa haya tereno pa por construi cas.

Parlamentario di POR ta bisa cu claro cu na e momentonan aki no tin 8 mil tereno y mester splica pueblo cu no pasobra e ex minister a firma cu nan ta haya tereno, esaki ta e caso.  Pero ta importante pa registra un biaha mas, pa bin na remarke.

Posiblemente varios di e 8 milnan aki no ta ni biba na Aruba mas, otronan por a cumpra cas of a haya otro cas door di matrimonio of similar. Pesey ta importante pa registra y asna haya sa cuanto hende ta den necesidad ainda di tereno pa DIP por inicia e proceduranan necesario.

 

- Advertisement -

DUNA COMENTARIO

Please enter your comment!
Please enter your name here