Home Economia Exprodesk y PWC Aruba ta organiza tayer ‘Taxation in the Creative Industry’

Exprodesk y PWC Aruba ta organiza tayer ‘Taxation in the Creative Industry’

9
0
SHARE
- Advertisement -

ORANJESTAD  (AAN)  – Exprodesk den colaboracion cu PWC Aruba ta presenta e tayer ‘Taxation in the Creative Industry’. Exprodesk ta invita un y tur cu kier transforma nan hobby den un negoshi, of tin un negoshi existente den e Industria Creativo y tin preguntanan over di belasting, pa participa na e tayer aki cu ta completamente gratis na Departamento di Asuntonan Economico, cu ta situa na L.G Smith Boulevard #160, na edificio di Sun Plaza, riba segundo piso, dia 24 di april 2018 di 9’or di mainta pa 12’or di merdia. Por registra na e-mail: s.meijer@exprodesk.com

Den cuadro cu e proyectonan grandi di Exprodesk, nos ta sigui brinda e Industria Cultural y Creativo diferente workshop pa capacita e artistanan local. E Industria Cultural y Creativo ta un sector cu hopi potencial pa sigui desaroya na Aruba, cu e meta, pa bende nan creacion local riba mercado internacional.

Exprodesk ta promove exportacion pa asina contribui na un desaroyo economico sostenibel atrabes di e capacitacion di nos empresarionan cu ta interesa den exportacion door di duna informacion, guia, consulta, training, y facilita diferente tayer cu topiconan actual.

Pa e motibo aki, Exprodesk ta brinda e oportunidad na tur persona di e Industria Cultural y Creativo cu tin pregunta of cu kier sa mas tocante e puntonan cu mester tene cuenta cune ora di cera un Contract, pa participa na e tayer aki.

Por bishita tambe nan website www.exprodesk.com y sigui nos riba nan pagina di Facebook www.facebook.com/Exprodesk pa keda al tanto di e proximo actividadnan, specialmente e training y workshop cu Exprodesk tin prepara den april 2018.

 

 

 

 

 

 

- Advertisement -

DUNA COMENTARIO

Please enter your comment!
Please enter your name here