ORANJESTAD (AAN): E ta un Bombero den exterior. Pero aworaki Peter Cutrer ta na Aruba, a base boluntario pa yuda Cuerpo di Bombero cu algun safety standard cu ta worde uza den otro area. E ta yudanan cu tecnica di inspeccion y investigacion.
Durante su presentación, Sr. Cutrer a papia over di e tragedia na e club nocturno, pero tambe otro candelanan grandi, manera esun di KISS, na Brazil, cual algun por worde preveni. Aki ta hopi hende a perde nan bida.
Mas aleu, Sr. Cutrer a splica cu Aruba ta un comunidad fantastico y ta na rand di un crecemento increibel. P’esey e ta esencialemente importante pa Cuerpo di Bombero a haya e training aki, pa asina nan por keda up to date pa loke ta siguridad pero tambe tin otro companianan grandi di exterior lo ta biniendo Aruba, lo kier sinti nan mes sigur. E tipo di traniningn aki lo haci cu Aruba su poblacion lo tin un ambiente sigur.
Aruba mester keda haci training y tambe keda educa, ya cu pa medio di training y educacion, e isnpectornan no solamente lo sa unda pa busca, pa sa kico ta e problema pero tameb pa soluciona e problema.
E Cuerpo di Bombero tabata masha hospitalario y hopi receptivo pa e educacion ricibi. Un danki na e sponsor di National Fire Inspection Association pa tur e materialnan uza den e training, balora na miles di Dollar. E tabata masha placentero pa ta na Aruba, y disfruta di e hospitaidad di Aruba.
E ta spera cu pronto e lo ta back pa sigui educa e inspectornan y e servicio di emergencia di Bombero, pa ta eficiente, sigur y tambe yuda e pueblo di Aruba den materia di siguridad.
