Home Politica Fraccion di POR lo reuni e siman aki cu director di Departamento...

Fraccion di POR lo reuni e siman aki cu director di Departamento di Asunto Social

17
0
SHARE
- Advertisement -

Pa informa su mes di kico cu tin pendiente:

ORANJESTAD (AAN) – Den conferencia di prensa di Fraccion di POR, den e ronda di pregunta a referi na un proyecto cu e Terapista di Famia sra. Enid de Kort, tin añanan ta bezig cune, y cu te ainda no a wordo implementa.

Esaki ta pa pone tur fundacion y instancia social bao di un solo dak y asina canaliza e informacion encuanto tur e necesidadnan cu nos famianan tin na un forma integral, y asina tambe aporta e ayudo rekeri.

Con leu e proyecto aki ta wordo sostene pa e actual gobernacion y parlamento?

Parlamentario drs. Lopez-Tromp a contesta cu e tin un afspraak pendiente y net dialuna e tabata tin contacto cu e director di Departamento di Asunto Social (DAS), pa asina bin duna un presentacion na Parlamento, pa nan haya un bista actual di tur loke tin andando, y pa asina por duna mas informacion na comunidad, al caso.

E dama parlamentario a subraya cu gobierno y parlamento ta duna tur apoyo na tur loke ta den beneficio pa reforza e structuranan di nos famianan, y muy en particular e derechonan cu nos muchanan tin.

Drs. Marisol Lopez-Tromp a indica cu nan ta na haltura cu tabata tin cierto negligencia di parti di e gobierno anterior, pa loke ta concerni e necesidadnan di DAS, na unda a topa cu e situacion cu hopi fundacion a wordo corta den subsidio, entre otro, y nan a wordo manca pa haci nan trabao.

E dama a subraya cu e ta kere cu awor cu tur e placa cu ta bay tin den presupuesto pa por sostene e area social, tur bon proyecto lo wordo logra pa realiza nan. Esey ta e meta.

Den e siguiente reunion cu e lo tin cu DAS, e siman aki probablemente, e lo busca mas informacion encuanto e proyecto menciona y e lo comparti esaki cu pueblo.

 

- Advertisement -

DUNA COMENTARIO

Please enter your comment!
Please enter your name here