Home Gobierno Fundacion HARPA a haci un bishita di cortesia na Arubahuis

Fundacion HARPA a haci un bishita di cortesia na Arubahuis

3
0
SHARE
- Advertisement -

Den Haag  – Fundacion Harmonie Arubaans Participatie (HARPA)  a duna un bishita di cortesia na Arubahuis na e representantenan di e gobierno nobo di Aruba na Hulanda, Minister Plenipotenciario Guillfred Besaril y Director a.i. mr. Glenn Ling.

E directiva di e fundacion ta netamente Arubiano cu e mision di ‘young meets elders’ a inicia na 2017 cu diferente obhetivo.

Nan prome evento cultural tabata Dande festival cu pa prome biaha a tuma lugar na e municipio di Den Haag. E tabata un exito grandi ya cu nan a haya subsidio di e municipio mes pa realisa e fiesta den grandi.

Bishitantenan y periodistanan cu a asisti na e evento a keda asombra di e magnitud con e fundacion aki a realisa nan prome evenemento. E no ta un fundacion solamente pa realisa eventonan cultural, sino tambe pa defende e interes di nos Arubianonan na Hulanda, tanto local y den futuro henter Hulanda. E idea ta pa purba tambe duna un aporte na nos hendenan pa participa mas activamente na Hulanda, tanto ariba tereno social, politico como educativo.

Combersacionan serio a tuma lugar entre e fundacion y municipio di Den Haag, na unda e municipio a  aproba e proyecto piloto pa maximo 25 studiante di Aruba, cu extra les di Hulandes pa e studiantenan cu tin necesidad di apoyo pa cu e idioma.

E fundacion tin plan nan grandi relaciona cu desaroyo ariba tereno di enseñansa. Lo nan bai realisa congresonan di alto nivel pa cu e studiantenan di Aruba.

Gabinete di Aruba lo duna e apoyo necesario na HARPA  unda cu esaki ta permiti, pa nan por logra nan obhetivonan.

Potret di links bai rechts: sra. Nuris Dabian di Hefe di departamento di Asuntonan Social Cultural di Arubahuis, Jack Rasmijn, secretario y penningmeester, Presidente di Harpa Saul Ragunath (studiante), como miembro di e stichting, Britney. Koolman (Studiante) y pa Arubahuis tabata presente Minister Plenipotenciario Guillfred Besaril, Director a.i. mr. Glenn Ling, y sra. Miriam Croes.

E potret ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here