Home Enseñanza Gamma IT Solutions su Coding Classes pa hobennan tabata un exito total

Gamma IT Solutions su Coding Classes pa hobennan tabata un exito total

14
0
SHARE
- Advertisement -

ORANJESTAD(AAN)– Diasabra, 7 april, Gamma IT Solutions a tene nan prome curso di coding na nivel basico pa hobennan na Aruba. E curso aki tabata pa tur hoben entre 13 y 17 aña di edad.

E curso a tuma lugar di 10.30 di mainta te cu 1.00 di merdia. Durante e oranan aki e studiantenan por a siña un poco tocante con pa traha un quiz basico den JavaScript y nan a haña e oportunidad pa nan mes skirbi un pida di code, e parti aki di coding a wordo duna door di Clifford Croes, Software Developer di Gamma.

Tambe tabata tin un quiz cu nan a hasi den grupo di 4, cual tabata hopi informativo. Ademas, nan a haya informacion tocante e diferente carera cu nan lo por tin den e mundo di IT, entre otro di parti di Giovanni Wester, Software Support Engineer, cu a conta con e ta e persona encarga pa trece e deseonan y rekisitonan di e clientenan na un manera tecnico pa e Software Developers.

Julia Geirnaerdt cu ta studiando na Hulanda y coriendo stage pa 5 luna na Gamma a duna e hobennan informacion tocante e studio di ICT & Media Design, di cual e ta den su di 3 aña. Tur e hobennan a mustra hopi interes den e diferente areanan di IT y a bin cu hopi pregunta, cual tur e empleadonan presente a yuda duna nan contesta.

E hobennan a ricibi un rondleiding den Gamma y a wak entre otro e hardware di e proyectonan actual di Gamma. Na cabamento di e curso e hobennan a ricibi nan certificado y un ‘goodie bag’ cu diferente regalo di parti Gamma y despues nan por a disfruta di un Subway lunch pa nan conversa cu otro y cu e empleadonan di Gamma.

Prome cu bay cas, e hobennan a ricibi un USB card cu e code cu nan a traha cune pa nan por sigui traha riba dje na nan cas y sigui siña y train un poco mas den e area di coding. Teiry Croes, Marketing & Project Manager di Gamma, ta comparti

“E interes pa cu e curso tabata hopi grandi y no tur hoben cu a registra a haya lugar pa participa. Nos a dicidi di planea mas curso durante e aña aki y asina cu nos tin e fechanan confirma nos lo informa e comunidad di Aruba. Nos ta hopi gradici pa tur cu a participa y nos ta spera di por e a duna e hobennan mas interes pa sigui den e area di IT. E tabata un experiencia hopi great pa nos mes tambe como compania y nos ta echt entusiasma pa e siguiente curso caba”.

Frank Baks, Director di Gamma, ta splica “Nos a bin cu e iniciativa aki pa purba envolve nos hobennan den e mundo di Information Technology y pa duna nan informacion y stimula nan pa scoge un carera den IT, cual ta un carera cu tin un seguridad di empleo masha grandi mes. Nos ta sinti cu esaki a wordo logra diasabra, nos a echt wak e entusiasmo y interes di parti e hobennan y nos ta hopi contento pa e rason aki”.

- Advertisement -

DUNA COMENTARIO

Please enter your comment!
Please enter your name here