Home Gobierno Gerald Fingal di IASA: Aruba lo keda streng pa loke ta...

Gerald Fingal di IASA: Aruba lo keda streng pa loke ta entrada di venezolano

56
0
SHARE
- Advertisement -

Mientrastanto tin kehonan relaciona cu negacion di carta garantia y extension estadia

ORANJESTAD   (AAN):  Relaciona cu e asunto di entrada di venezolanonan na nos isla mester remarca cu antes tabata tin credit cards Venezolano, autorisa pa gobierno di Venezolano y pa esey, como prueba di entrada,  personal di IASA tabata bay cu e Venezolano na e ATM, cu a resulta cu nan no por a lanta e placa aki tampoco. Riba esaki Gerald Fingal, director di IASA ta splica di e proceso aki.

Ta asina cu tin Venezolanonan cu tin creditcard di Bank of America, ABN Amro cu no ta un banco Venezolano, si ta wordo acepta, con tal cu nan tin fondo. Sinembargo, lo keda poco streng pa e grupo di Venezuela. Esaki no a cambia. Nan ta keda un nacionalidad di risico pa nos pais.

No duna ilegalnan trabao

Fingal a haci un suplica pa no duna e ilegalnan aki trabao. Si no tin hende cu ta duna nan beneficio, nan no ta bin. No haci posibel e trabao ilegal. Si nan wordo gara y e dunado di trabao, tambe ta bay bin den aanmerking pa un boet halto.

Personanan natural, cu para garantia, nan tambe ta para responsabel pa duna nan boet. Ora di para garantia, esaki ta un situacion serio.

Cualkier cos cu pasa e garante, esun cu a para garantia ta core cu tur e gastonan. Unabes bo para garantia pa un hende, e ta cay bou di bo responsabilidad. Si e persona no a sali na tempo, e ta keda bou di garantia di esun cu a para garantia. Si Guarda Nos Costa gara un persona y e wordo gara na un otro adres, e garante ta bay core cu tur e gastonan di deportacion.

Keho ora di para garante of pidi extension di estadia

Locual a capta atencion y cu a wordo treci dilanti na mesa di redaccion di DIARIO ta cu den e dianan aki tin hopi keho di personanan cu ta pidi pa nan para garante of pa extende e permiso di estadia y nan peticionnan ta wordo nenga siendo cu nan no tin ningun record negativo.

E contesta cu nan ta haya ta cu “si Maduro lanta loco awe, y dicidi di cera e frontera, e ora e venezolanonan lo keda pega na Aruba”.

E personanan cu nan solicitud a wordo nenga ta haya cu esey no ta un contesta obhetivo sino mas bien un opinion personal di e empleado di IASA sin un argumento valido.

Lo ta bon pa IASA cuminza duna mas informacion riba e proceduranan y si algo a cambia pa asina e ciudadanonan aki na Aruba tene cuenta cune ora di bay pidi pa para garante of pa extende e permiso di estadia di e persona venezolano cu kier drenta of permanece na Aruba algun dia extra.

 

 

- Advertisement -

DUNA COMENTARIO

Please enter your comment!
Please enter your name here