Home Gobierno Gobierno a logra baha gasto di personal na 7 miyon florin

Gobierno a logra baha gasto di personal na 7 miyon florin

83
0
SHARE
- Advertisement -

Minister di Economia y Finanza:

ORANJESTAD (AAN) – Den conferencia di prensa, Minister di Economia y Finanza, sra. Xiomara Ruiz-Maduro, a bolbe trece dilanti, relaciona cu e remarca di Raad van Advies, tocante e 100 persona cu gobierno aki a tuma den servicio na Februari ultimo, cu gobierno anterior a tuma un cantidad di empleado durante su periodo demisionario.

E mandatario a remarca cu esaki a sosode sin pensa cu un otro gobierno por a bin den su lugar y cu e lo tuma otro decision. Gobierno nobo a tuma un otro decision dia 6 di December, pero esey no kiermen cu mesora tur contrato a termina. Gobierno mester respeta loke a wordo firma, y tin di nan cu tabata tin “opzegging” y otronan cu no y cu mester a bay Huez.

E mandatario a indica cu posiblemente tambe na momento cu Raad van Advies a tuma nota di e personal nobo aki, ainda esnan cu gobierno anterior a tuma tabata aparece den e informe, mientras cu pa diferente razon varios di nan por a bay caba.

No obstante, el a indica cu enberdad gobierno no a keda completamente cla den e aspecto aki y tin contractnan cu gobierno tin cu warda pa nan termina, y asina nan cumpli.

Sinembargo, gobierno a logra di baha e gastonan di personal cu 2% cu ta ekivalente na siete miyon florin, y den e plan financiero-economico lo mira cu un di e aspectonan ta cu cada aña lo sigui baha e gastonan aki na unda, entre otro, lo inverti den profesionaliza e aparato gubernamental, lo haci uso di innovacion pa por yega na E-Government. Y tur esaki pa pone eficiencia pa e personal.

“Nos ta trahando riba dje; den cuater luna bo no por haci milagro, pero si mi por bisa cu nos tin e bon intencion. Nos a duna pasonan firme y esakinan ta dunando nan fruta y pesey ora tin e pregunta riba locual Raad van Advies, corectamente a trece dilanti, ta bon pa gobierno duna splicacion pa e pueblo por compronde na unda e personal aki a wordo ubica y e necesidad pa ta eynan”, e dignatario a remarca.

 

 

 

 

 

- Advertisement -

DUNA COMENTARIO

Please enter your comment!
Please enter your name here