Home Gobierno Gobierno cu App pa controla prijs di canasta basico

Gobierno cu App pa controla prijs di canasta basico

676
0
SHARE
- Advertisement -

ORANJESTAD (AAN): Minister drs. Xiomara Ruiz-Maduro a lanza un App nobo pa pueblo controla prijs den supermarket y demas negoshinan.

Asina ta duna mas poder na e consumidor, den caso aki, dunando consumidornan mas informacion.

Haciendo uso di innovacion, a dicidi di traha un ‘App’ (aplicacion den celular of tablet) pa asina pueblo mes por uza nan celular of tablet pa controla prijsnan. Kiermen por controla kico ta e prijs maximo cu por cobra pa cierto producto bao di control den canasta basico.

E App tambe ta contene e ‘macuto di compra’ pa productonan cu no ta regula, pero si por worde compara pa asina consumidornan por mira na ki supermercadonan e productonan aki ta mas barata.

E App ta bay contene informacionnan di productonan ‘B’, cu ta productonan traha pa marcanan mas renombra pero cu un prijs mas abao. Na Aruba caba tin algun supermercado cu ta dirigi nan mes riba e productonan aki cu hopi exito.

E App aki tambe lo contene prijs di gasolin, gas y diesel, y segun Minister, cu tempo supermercadonan lo haya oportunidad pa por pone nan propaganda den e App.  A gradici Departamento di Asuntonan Economico, como tambe studiantenan di Universidad di Aruba, di departamento di organizacion Governance and Management, Xavier Boekhoudt y Nicolette Habibe, kendenan a traha riba e app.

Actualmente e app ta obtenibel via un link riba website di  Departamento di Asuntonan Economico, pero nan ta trahando pa esaki ta disponibel via Appstore y Playstore.  Y si bo mira un prijs incorecto den Supermarket, bo ta hasta haya number facil pa yama y duna keho.

- Advertisement -

DUNA COMENTARIO

Please enter your comment!
Please enter your name here