Home Parlamento Gobierno di AVP mes a introduci mas di 30 medida y awor...

Gobierno di AVP mes a introduci mas di 30 medida y awor ta critica Gobierno actual

18
0
SHARE
- Advertisement -

Endy Croes:

ORANJESTAD  (AAN): Parlamentario Endy Croes, durante e conferencia semanal di prensa di fraccion di MEP a reacciona riba e hecho cu miembronan di fraccion di AVP recientemente un biaha mas a indica cu MEP ta un partido di medida.

Croes a duna algun ehempel di medidanan cu Gobierno di AVP a introduci durante e ultimo 8 añanan cu nan tabata den Gobierno.

Segun e parlamentario, desde 2009 AVP a bin cu mas di 30 medida.

El a menciona entre otro e aumento di prima di AZV cu 2% desde 1 di Januari 2011.

Riba e mesun fecha a introduci un aumento di AOV di 1%, mientras cu e suma pasa Staatsexamen a aumenta, mescos cu tabata e caso pa e tarifa di impuesto di entrada y di salario na 2012.

“Nan a pak pueblo den su body cu 2% di BAZV, mientras cu nan a core campaña cu nan ta bay elimina BBO”.

Esaki segun Croes, kende a indica cu un otro medida tabata ora cu Gobierno di AZV a aumenta e edad di pensioen di 60 pa 65 aña.

“Nan a aumenta schoolgeld, prijs pa saca cedula y paspoort y awendia e aanmaning-nan cu yega bo cas no ta 1 florin mas, sino 10 florin”, segun e parlamentario, kende a indica  cu ta hopi straño cu un Gobierno cu a introduci asina tanto medida, ta critica e hecho cu e gobierno actual a introduci un medida hopi necesario, despues di locual gobierno di AVP a ocasiona.

 

- Advertisement -

DUNA COMENTARIO

Please enter your comment!
Please enter your name here