Home Gobierno Gobierno lo amplia zonanan protegi for di 16 pa 19 area

Gobierno lo amplia zonanan protegi for di 16 pa 19 area

125
0
SHARE
- Advertisement -

Sitionan arkeologico tambe lo keda protegi

ORANJESTAD (AAN): Pa hopi  aña a mira cu tin discusion andando di e 16 areanan protegi. No solamente nos a percura pa e ley bay ‘wetgeving’ cual ta wardando pa e bin back pa nos por  manda esaki pa raad van advies.

E intencion tambe ta ne momentonan aki no solamente p’e 16 areanan aki, pero pa wak pa amplia e cantidad di  areanan protegi. Entre otro cu Sero Cristal cu ta den discusion pisa ultimamente, ero tambe a pensa ribalugarnan arkeologico cu a purba pa proteha pa hopi aña pa evita cu e parti aki ta bay perdi pa motibo di construccionnan  cu ta tuma luga.

Minister di Infrastructura y Medio Ambiente Otmar Oduber a splica cu intencion ta pa na cierto momento busca y explora e posibilidad cu por amplia e 16 areanan aki cu e 3 areanan principal arkeologico akinan na Aruba. Lo purba haci esaki unabes cu bay Parlamento,  pa di e forma ey por duna e oportunidad no solamente pa e proteccion tuma luga, pero cu e estudionan di parti di arkeologonan na Aruba por tuma luga riba  e lugarnan aki.

‘Pa hopi aña nan a pidi y tabata purba pone tratamento di e areanan aki riba agenda di Gobiernonan pero lamentablemente nan no a haya oido den esaki. Nos ta kere cu a traves di e ley aki di proteccion (den e caso aki pa e parti di naturalesa) lo por inclui e proteccion di biaha riba e aspecto di arkeologia tambe den e ley cu ta bay Parlamento di Aruba.

Nos lo studia e posibilidad aki y enberdad percura posiblemente prome cu ‘reces’ e aña aki di nos Parlemento, cu e 16 + areanan, por worde protegi y cu e por worde protegi den un forma cu ta sostenibel.’

Segun e mandatario, ora cu ta crea desaroyo esaki mester bay man den man cu e parti di proteccion di nos medio ambeinte. Ni un ni e otro ta pasa riba otro, bo tincu crea un balansa caminda cu e desaroyo ta tuma luga na un manera sostenibel.

- Advertisement -

DUNA COMENTARIO

Please enter your comment!
Please enter your name here