Home Politica Gobierno mester bisa pensionadonan berdad di supuesto 100 Florin ‘extra’

Gobierno mester bisa pensionadonan berdad di supuesto 100 Florin ‘extra’

175
0
SHARE
- Advertisement -

Lider di fraccion AVP, Marlon Sneek

ORANJESTAD (AAN): Na Aruba, como 70% di  pensionadonan ta cobra 1.100 pa luna y na momento cu Gobierno anuncia cu ta bay duna pensionadonan 100 Florin extra riba nan pension ta confundi e grupo aki paso nan lo ricibi solamente 42 Florin extra pa luna, lider di fraccion di AVP, sr Marlon Sneeka declara.

“Durante di campaña electoral partido MEP a haci cantidad di promesa cu awe ningun lo bira realidad awe e palabranan di e ex lider di e partido aki, Nelson Oduber ta aplicabel atrobe caminda el a bisa cu ‘campaña ta un cos, goberna ta otro cos.’

Nos por a scucha Prome Minister Wever Croes anuncia cu gran fervor cu su gobierno lo bay duna pensionadonan un suma di 100 Florin extra pa luna sin bisa cu e grupo cu lo haya e suma aki, ta e grupo cu ta cobra 2500 Florin pa luna.

Esaki e kier logra door di baha e prima di AZV di 10.5% pa 6.5% cu lo ta net 100 Florin pa e grupo aki sin bisa nan cu e efecto di e 2.5% di BBO lo ta 192 Florin kiermen ta atras nan lo bay.

Ora cu nos mira cu segun cifranan oficial mas cu 70% di pensionadonan na Aruba ta cobra 1100 pa luna, cu ta danki na e ‘reparatie toesla’g di 100 Florin cu gobierno di AVP a introduci  algun aña atras cual ta conta pa tur pensionado igual.

E grupo aki cu ta cobra 1100 pa luna, lo ricibi en realidad e suma di 42 Florin pero aki tambe Prome Minister no ta sincero den e intencion di su gobierno pa cu e grupo aki, ya cu ningun caminda Wever Croes ta informa pensionadonan cu despues cu nan ricibi e suma  aki, nan lo tin cu destina mas cu esaki pa cubri e pakete di medida di aumento di BBO cu gabinete Wever Croesa anuncia, esta e aumento di 2.5%.

Ora cu analisa e decision aki di gobierno di coalicion actual, lo bay resulta cu e mesun pensionado aki cu lo ricibi 44 Florin extra, lo tin cu paga door di aumento di BBO 83 Florin pa luna, loke ta nifica cu e pensionado ta bay atras den su entrada di tur luna.

E tipo di trikinan politico aki a bira un costumber caba di partido MEP, cu ta simplemente impone den cartera di tur hende sin sikiera haci un esfuerso pa atende e asunto aki den un dialogo nacional cu partner envolvi.

Ora cu MEP tabata den oposicion nunca a papia di medida, nunca a papia sincero cu pueblo pero a priminti cu nan tin solucion pa e situacion financiero di nos pais, sin cu nan lo mester tuma medida  y cu MEP lo logra un solucion dentro di 30 dia den gobernacion.

A pasa no 30 dia, pero casi 4 bes 30 dia cu MEP ta den gobierno y te na e momentonan aki e unico cos sigur cu pueblo a worde informa di dje, ta un pakete di medida cu lo cambia bida di no solamente pensionadonan, pero bida di tur hende riba e isla aki.

Loke ta mas serio di henter e situacion aki ta cu durante di campaña Prome Minister a trece cantidad di solucion dilanti, caminda partido MEP lo tin e herment necesario pa cubri cualkier situacion financiero cu por existi,pero awor cu nan ta den gobierno gabinete Wever Croes a dicidi cu ta pueblo tin cu carga e peso di nan incapacidad pa goberna.

Campaña a caba y e momento pa Prome Minister bira sincero cu pueblo a yega pero ta algo di mala fe cu ta splica algo cu ta completamente robes y no ta cuadra cu realidad,”  Parlamentario Marlon Sneek a declara.

 

- Advertisement -

DUNA COMENTARIO

Please enter your comment!
Please enter your name here