Home Gobierno Gobierno mustrando cu controlnan di frontera y riba productonan lo ta mas...

Gobierno mustrando cu controlnan di frontera y riba productonan lo ta mas estricto

8
0
SHARE
- Advertisement -

ORANJESTAD (AAN): Prome Minister Evelyn Wever-Croes durante Conferencia di Prensa di Gobierno a elabora riba e reunion cu a tuma luga siman pasa diahuebs na nos hermana isla Corsou.

Esaki tabata un reunion di Reino riba e tema di relacionnan exterior na unda a trata diferente temanan di interes comun. E tema di Venezuela a bin dilanti prominentemente. E mandatario a menciona cu e tema aki tin dos parti cu a haya atencion durante e reunion di Reino.

E prome parti ta e embargo of medida cu Venezuela a pone desde 6 di januari e aña aki na unda Presidente Maduro a anuncia cu lo cera frontera cu Aruba y Corsou. Desde e momento ey, Minister Step Blok di relacionnan exterior di Hulanda a informa Gobierno di Aruba cu e lo purba lanta e medida aki. Esaki a tuma luga tambe diasabra 7 di april na unda cu un documento worde firma na y a yega na palabracion riba algun punto.

Prome Minister ta duna di conoce cu esaki ta mesun documento cu a worde delibera riba dje na januari cu ta bisa cu e paisnan lo bay traha hunto pa combati ilegalidad, contrabando y cu esaki e fronteranan lo keda habri. Gobierno di Aruba no a haya e documento oficial aki ainda.

E benificio of bon noticia di esaki ta, segun e mandatario a informa, ta cu e espacio aereo pa nos hendenan bay Venezuela pa busca nan salud of pa bishita nan familiar, awo ta posibel atrobe. Sinembargo Prome Minister ta bisa acerca cu Gobierno a tuma e decision cu esaki no kiermeen “business as usual”.

“Nos a yega na palabracion cu e fronteranan lo keda habri, pero di banda di Aruba tin cierto condicionnan mara na esaki. Trafico for y pa Venezuela por tuma luga. Pero nos ta enfatisa cu nos controlnan di frontera lo ta mas estricto.”

Premier Wever-Croes a enfatisa cu lo combati iligalidad cu mas forsa mirando e circumstancianan cu nos pais ta pasando aden caba cu tin hopi migrante cu no tin status legal na Aruba.

Pa loke ta trata productonan, na e momento cu nan worde importa mester tin nan certificado di origen. Esaki ainda mester worde determina pa asina wak kico ta e certificado cu lo worde acepta na Aruba pa asina nan drenta e isla. Productonan mester cumpli cu tur rekisito y regla, tur ley y tur impuesto,

Prome Minister ta haci un apelacion riba tur esnan cu ta na Aruba kendenan ta distribui e fruta y berduranan ora cu nan drenta pa mantene nan mes na e reglanan aplicabel na esaki. A nota un tendencia cu ora e cargacionnan yega na Waf di Barcadera, nan ta worde busca pa un Pickup cu ta sali bay destrui e productonan sin tene cuenta cu ley y regla cu mester worde aplica entre otro nan tambe mester ta den posicion di un “vestigings vergunning” como tambe mester tene nan mes na reglanan di impuesto entre otro reglanan.

- Advertisement -

DUNA COMENTARIO

Please enter your comment!
Please enter your name here