ORANJESTAD (AAN): Recientemente un 1 grupo di 17 participante for di e sector priva y sector publico, a sigui e curso di B&P/ Interface Training tocante “Supervision Profesional Basico”.
E obhetivo di e curso intensivo aki di 6 dia, tabata pa adkeri conocimento importante di supervision y pa ricibi e herment nan necesario con pa supervisa trabao. Tambe pa siña con pa fortalece e efectividad di supervision pa asina crea un team cooperativo cu ta produci na trabao.
Topiconan cu a worde presenta durante e curso aki ta : Inventarisacion y Organizacion, Comunicacion Efectivo, Competencia, Cooperacion y Motivacion, Kico ta importante na trabao.
E curso tabata intensivo y practico na manera cu ora e cursista yega su trabao e por aplica loke el a siña mes ora. E curso a worde presenta door di Señora Drs. Ina Croes, Trainer Certifica na B&P/ Interface Aruba. Esnan cu a gradua ta: Gladys V. Loefstop, Sue-Ann D. Libiee-Chai, Michael E. de Cuba, Raquel Kelly, Milagros Roberto, Elizabeth Perea, Rafael Espinoza, Daysi Cid, Liliana Aranibar, Vianne Matos, Alcira Zambrano, Rawin Maduro, Sebastian Cardenas, Luis A. Cannegieter, Ingrid Viviana Oduber, Alberto Tromp y Frankey Moore . Un palabra di felicitacion ta bay na tur e graduadonan.
