Home Policial Guardacosta a gara 20 ilegal riba lama pazuid di Curaçao

Guardacosta a gara 20 ilegal riba lama pazuid di Curaçao

111
0
SHARE
- Advertisement -

ORANJESTAD(AAN): Guardacosta Hulandes den Caribe (KWCARIB) a intercepta Diaranson anochi, 18 di April, den un accion en conhunto, un embarcacion cu 20 persona ilegal abordo, parti pazuid di Curaçao.

Diaranson, mainta tempran, e operador di radar di e Centro di Rescate y Coordinacion di Kustwacht, a detecta un contacto sospechoso riba e radar banda pazuid di Fuikbaai, Curacao.

E Dash8, e avion di patruya maritimo a bay na e ubicacion indica pa asina haci un investigacion. Tambe e helicopter a bay den marcha. Mas of menos dos miya for di e costa di Fuikbaai, e Dash 8 a detecta un embarcacion sin luz tipo Yola cu varios hende den dje.

For di e punto di sosten Corsou, patruya riba tera di Kustwacht, hunto cu miembronan di UST (Unit Speciale Taken) di Cuepro Policial di Corsou, a by direccion Fuik. Dos Interceptors FRISC di Marina Real tambe a dirigi pa Fuikbaai. Na elugar nan a bin topa cu un embarcacion riba tera.

E nabegantenan ya a bin tera. Despues di un buskeda nan a bin topa cu 20 persona. Nan a purba ainda pa hui. Ta trata di 15 hende homber y cinco hende muhe, tur cu nacionalidad Venezolano. nan a keda deteni y entrega na polis.

- Advertisement -

DUNA COMENTARIO

Please enter your comment!
Please enter your name here