Home Hudicial “Henter e cos aki di asalto arma caminda a mata su tanta...

“Henter e cos aki di asalto arma caminda a mata su tanta ta birando un show”

1533
0
SHARE
- Advertisement -

Sospechoso Chines a bisa Hues

ORANJESTAD (AAN): Matutino DIARIO a bin ta publicando den forma extenso henter e tratamento di e caso di diabierna ultimo caminda Fiscal a señala cu e tata di e sospechoso Chines, a gaña den Corte. Ademas Fiscal a señala cu e compania di e sospechoso Chines P.F. ta opera na forma masha sospechoso.

No ta mira cu placanan ta drenta y diripiente un suma grandi ta worde deposita y despues e suma aki ta worde transferi pa otro cuentanan. Fiscal ta haya cu P.F. ta mesun culpable cu e otro sospechoso J.P.E.

   OPINION FISCAL:

Despues cu a presenta tur e resultadonan di e investigacionnan extra cu Hues a pidi, Fiscal a bisa cu a base di sentencia intermedio di Hues, a haci investigacion mas profundo riba situacion financiero di P.F.

Na opinion di Fiscal, e ponencia di abogado mr. Mohamed cu P.F. tin un situacion financiero saludabel y pesey no tin motibo pa el a haci asalto, e no ta kere esey. Fiscal a bisa cu e tres lunanan di e situacion financiero cu e abogado a presenta, no ta suficiente pa demostra cu tin un situacion financiero bon.

Investigacion ta mustra cu P.F. ta depende riba placa di su mayornan. Investigacion a mustra cu tin un circulacion fuerte di placa entre negoshinan Chines. Ta usa e negoshinan pa circulacion di placa. For di e caso di labamento di placa contra un grupo Chines esaki ta sali na cla. Na Curacao tambe a constata esaki. Fiscal a bisa cu e investigacion ta mustra cu normal Chinesnan ta atende tur asuntonan cu placa cash.

Fiscal a señala movecionnan sospechoso di negoshi di P.F. Sumanan grandi ta worde deposita y despues e placa ta worde traspasa pa otro negoshi. For di investigacion por conclui cu por ta manera e otro sospechoso J.P.E. a bisa, esta cu ta necesidad di placa.

Fiscal a bisa cu investigacion a mustra cu tabatin hopi placa na e cas di e victima Shasha. Tambe a keda constata cu tin problema entre famia di P.F. y e famia di victima. Fiscal ta haya cu e tata di e sospechoso, S.F., a gaña den Corte cu lo tin un bon relacion di famia. E chick di P.F. y e ruman homber grandi di P.F. ta bisa cu tin problema familiar. Famia di e victima kier sa pakico a mata Shasha.

Fiscal ta di opinion cu esey ta un pregunta hopi importante pero pa caso penal, esaki no ta importante, si tin suficiente prueba. E ta confia declaracion J.P.E. y ta haya cu mester rechaza e defensa di abogado cu no tin motibo pa a haci e asalto. Fiscal ta haya cu ambos ta culpable di asesinato y cu mester aproba demanda di daño di famia.

ABOGADO:

Mr. Mohamed a bisa cu loke a saca for di cellular di P.F., encuanto e palabra asesino cu a busca riba google pa un palabra Chines, ta un discussion entre P.F. cu su señora riba matamento di pushi. E abogado ta haya cu no por bay solamente riba declaracion J.P.E. pa condena P.F. na 25 aña di prison manera Fiscal ta exigi. E abogado a bisa cu mester busca prueba di sosten.

Fiscal a remarca cu abogado mr. Mohamed ta bin cu un defensa completo siendo cu tin un sentencia intermedio. Hues a duna Fiscal razon y a bisa mr. Mohamed pa reacciona riba loke Fiscal a trece padilanti. E abogado a cuestiona e investigacion amplio cu Fiscal a haci y declaracion cu J.P.E. a duna. E abogado a remarca cu no ta asina cu e negoshi di ijs a bay bancarato. E negoshi tabatin 10 mil Florin riba su cuenta. Awor por scucha J.P.E. bisa un otro motibo cu P.F. kier haci asalto arma.

Na opinion di e abogado, e declaracion J.P.E. no ta creibel. E abogado a menciona cu si ta berdad cu P.F. mester biba otro caminda, e sumanan cu e ta manda cada dos luna pa exterior, e por biba di esaki.

   UN SHOW TIN:

Hues a puntra J.P.E. kico e kier bisa ainda. J.P.E. a remarca na Hues cu ningun hende conoce P.F. mihor cun’e. E tin 14 aña amigo cu P.F. y e conoce P.F. mihor cu su ruman. Segun J.P.E., P.F. a cont’e tur cos di su situacion financiero. El a bisa cu e no ta bay gaña y e no ta sconde cu el a haci malo. El a bisa Hues cu e kier pa e berdad bin dilanti y esey e ta haci.

Hues a puntra P.F. kico e kier bisa. P.F. a bisa cu e no tin nada di haci cu e caso aki. E ta cansa y e cos aki ta birando un show. E kier bay cas. Awor Hues ta studia e caso y dentro di algun siman tin sentencia.

 

- Advertisement -

DUNA COMENTARIO

Please enter your comment!
Please enter your name here