Home Policial Hoben a ranca palo di luz y laga un area sin coriente

Hoben a ranca palo di luz y laga un area sin coriente

146
0
SHARE
- Advertisement -

ORANJESTAD(AAN): Dialuna mainta algo pasa di 10:30 am, testigonan na Bubali a mira chauffeur di Toyota Yaris cu number A-65775 a dal su auto den pal’i luz.  Ademas di esey, el a bay dal den un ‘nest’ di coriente tambe, y a dobla un otro tubo di hero cu ta wordo usa pa haya coriente residencial.  Hasta un toter di baki di sushi a wordo gebolter.

E hoben na stuur, a habri porta, baha bay mira e daño.  Sacudi su cabez, y djis bandona e lugar mesora.

E pal’i luz a ranca tambe un schoorpaal y laga algun cas den becindario sin coriente.

E gasto na e accident aki ta masha hopi mes.  E vehiculo mes a keda na werki.  E nest/cashi di coriente di e cas tin di wordo construi completamente di nobo, y e tubonan mes tambe ta hopi caro.

Si e hoben aki no tin rijbewijs, of si acaso e ta menor di edad, anto ta e doño di e vehiculo lo tin  tur e gasto aki pa bay cubri.  Pasobra Aseguro sigur lo no ta atende cu caso asina.

Polis mientras tanto a confisca e vehiculo.

- Advertisement -

DUNA COMENTARIO

Please enter your comment!
Please enter your name here