Home Policial Homber gara cu droga Diabierna anochi na Linear Park

Homber gara cu droga Diabierna anochi na Linear Park

38
0
SHARE
- Advertisement -

ORANJESTAD (AAN): Autoridad ta sigui actua tur caminda contra actonan ilegal riba e isla.

Durante control di e asina yama Flex Team di Polis, riba Diabierna anochi na Linear Park, nan a canta bingo.

E anochi ey tabatin hopi movimento, actividad, y celebracion riba Linear Park.  Nan tabata canando rond y a mira un homber actuando masha sospechoso mes.

E actitud aki mesora a hala atencion di e agentenan, y mesora e agentenan a bay pa e homber.

Ora cu nan a yega cerca, el a bira mas nervioso ainda.  Asina a dicidi na listra e persona.  Durante listramento a tope cu droga den su poder y el a keda deteni.  Nan a bay cune rumbo Warda di Polis, y pasa pa Departamento di Narcotica cu ta bay interoge pa haya sa di unda el a haya e droga.

Un tiki mas pabao, riba Linear Park, e mesun Flex Team a logra detene algun hoben cu tabatin arma den man, y tabata cla pa bay bringa.

Nan a wordo haya cu cuchiu, y tambe un taser.

Flex Team a confisca e armanan, y a bin compronde cu e tres hobennan deteni tabata cla pa bay start un bringamento den Lagoenweg.  Nan a wordo hiba Warda di Polis y presenta dilanti Fiscal Auxiliar.

 

- Advertisement -

DUNA COMENTARIO

Please enter your comment!
Please enter your name here