Home Economia Hopi ta loke e muchanan cu a participa den “kidpreneurs with BIG...

Hopi ta loke e muchanan cu a participa den “kidpreneurs with BIG Ideas” a siña

9
0
SHARE
- Advertisement -

Sra. Judella Trim:

ORANJESTAD (AAN) – Sra. Judella Trim, tambe a hiba palabra den conferencia di prensa organiza pa Departamento di Asunto Economico y su seccion IDEA (Iniciativa pa Desaroyo Empresario Arubano).

Sra. Trimp a reitera cu IDEA tey pa yuda tur esnan cu kier lanta un negoshi chikito of mediano, y tambe duna guia na esnan existente caba.

El a splica cu IDEA tambe ta duna e famoso curso “Empresario Prepara” cual ta encera tur e vaknan basico cu un empresario mester pa ta exitoso, y ademas nan ta duna diferente tayer di trabao.

E dama a enfoca riba e proyecto “Kidpreneurs with BIG Ideas” cu nan tabata tin den plan pa basta tempo caba, pero nan mester a busca con pa trece dilanti.

Nan a dicidi pa acerca Traimerdia pa desaroya e proyecto cu nan muchanan. Como cu Traimerdia tin mil mucha, nan a tuma esnan un tiki mas grandi, entre 10 cu 13 aña cu ta ken klasnan di derde te 6de klas.

Asina nan a acerca sr. Gregory Oduber, ken ta hefe eynan. IDEA a presente e proyecto y sr. Oduber tabata hopi exciting cu esaki.

E proyecto piloto aki, cu a cuminza na Traimerdia Dakota (Fatima College) a tuma seis siman y nan a yega na su final.

Durante e proyecto aki a bin haya mucha hopi entusiasma y contento di participa. E muchanan a haya diferente tema cu a bin dilanti y nan a cuminza cu e tema: “Con pa traha cu placa”.

Esaki tabata na encargo di sra. Johrainne Lacle-Giron. El a siña e muchanan kico ta placa, con pa traha cune, con pa use y con pa haci ganashi di dje.

El a subraya cu e muchanan a wordo splica cu temponan cu no tabata existi placa e hendenan tabata intercambia productonan cu otro.

Despues di esey a sigui cu un business plan, y a splica e muchanan e importancia di esaki, kico e ta y pakico mester di dje.

Den esaki a bin dilanti cu e ta cuminza cu un idea cu por ta un producto of un servicio y a wordo splica e diferencia entre ambos.

Despues di esey a elabora riba marketing. Esaki ta encera con ta bay mercadea e producto. E por ta via social media, television, etc.

Den e parti di marketing mester cuminza pensa cuanto e ta bay costa y cuanto ganashi por saca di dje. Esaki ta un parti di e teoria cu ta cuminza na Traimerdia.

Seguidamente a pasa pa e parti di practica. Asina nan a haya con pa traha snacks, tambe a siña con pa traha un juice saludable, unda cu nan a wordo guia door di Fresh Garden Café.

Sra. Trim a subraya cu esaki a haci un impacto hopi grandi den e muchanan.

Seguidamente a enfoca riba diferente arte. Muchanan a siña con pa pinta riba canvas, bao guia di sra. Sandra van der Linde. E tabata masha impresionante di a mira con creativo e muchanan ta y con nan a trece nan ideanan dilanti.

Tambe sra. Jeanine Dania a laga e muchanan pinta riba boter. Nan a pinta e Rey y e Reina riba un boter y a keda masha leuk.

Departamento di Cultura tambe a presenta musica pa e muchanan. Aki nan a haya sa tambe con por gana placa cu musica, nan a compone cantica di Traimerdia. Nan a duna nan opinion tocante kico nan ta haya di Traimerdia, y full un klas a skirbi esaki riba papel, y na final nan a traha un composicion y sr. Maduro a yuda nan den esey, sra. Judella Trim a duna di conoce.

Departamento di Agricultura, Cria y Pesca tambe a presenta y a splica e muchanan con nan por planta un mata di fruta y con pa gana placa cune. Nan a practica door di a planta semia di fruta den un pochi y nan tabata hopi emociona ora nan a wak con e semia a bira un mata.

Y asina e muchanan a haya diferente aspecto interesante y nan mente a habri, locual ta e meta di e proyecto aki.

Sra. Trim a expresa cu nos tur a bay scol siña pa den futuro traha pa otro hende. Durante e curso aki nan a stimula e muchanan pa studia y bay dilanti pero tambe pa banda di nan estudio nan tin creatividad di cual nan por saca hopi di dje y bira un empresario prepara pa futuro. Nan por cuminza di chikito caba.

 

- Advertisement -

DUNA COMENTARIO

Please enter your comment!
Please enter your name here