Home Gobierno Hulanda no lo ofrece asistencia activo den caso di un gran fluho...

Hulanda no lo ofrece asistencia activo den caso di un gran fluho migratorio for di Venezuela

326
0
SHARE
- Advertisement -

Segun Minister Stef Blok

ORANJESTAD   (AAN): Hulanda no lo ofrece asistencia activo den caso di un gran fluho migratorio for di Venezuela pa entre otro Corsow. Esey ta loke e minister di Asuntonan Exterior, Stef Blok a bisa durante su bishita na e isla.

Sinembargo, lo bay tin asistencia tecnico den forma di placa y asistencia di servicio di Imigracion y Naturalisacion, segun NL-Nieuws.

Blok ta considera cu e politica di refugiadonan di Corsow, Sint Maarten y Aruba, ta responsabilidad di e propio islanan. Si surgi problema di e fluho migratorio for di Venezuela, ta coresponde na ACNUR, e organisacion di Nacionnan Uni pa refugiadonan, haya un solucion.

Venezuela ta sufriendo un crisis economico profundo. Hopi hende ta purba di huy for di e pais y purba di crusa pa Corsou por ehempel. Segun Blok, no por yama e imigrantenan pa refugiado na e momentonan aki.

Sinembargo, mas imigrante ta ingresando den e pais, unda cu refugiadonan por ta involucra. E empleadonan di IND Hulandes (Immigratie- en Naturalisatiedienst) lo bay yuda identifica e Venezolanonan desplasa, segun e minister. Hulanda tambe lo haci un donacion di 100 mil Euro pa aumenta e capacidad di e centronan di detencion riba e isla.

Minister Blok a ricibi un peticion di ciudadanonan preocupa y Venezolanonan. Segun nan, e opvang na Corsow ta asina streng cu ya e no ta humano.

 

- Advertisement -

DUNA COMENTARIO

Please enter your comment!
Please enter your name here