Home Salud Humamento no ta e unico factor cu ta causa malesanan cardiovascular

Humamento no ta e unico factor cu ta causa malesanan cardiovascular

14
0
SHARE
- Advertisement -

Dr. Corina Rolfast: Pero ta mihor preveni

ORANJESTA    D(AAN): Na Aruba nos sa cuanto mortalidad tin causa pa malesanan cardiovascular, segun dr. Corina Rolfast. Humamento no ta e unico factor cu ta causa malesanan cardiovascular, pero e ta algo cu miho bo preveni, pasobra e ta hopi adictivo. Una bes cu bo cuminsa cu humamento di sigaria, e por bira un adiccion y ta bira mas dificil pa stop.

Unico conseho cu dr. Rolfast a duna, ta pa no cuminsa huma. E ta hopi adictivo y una bes cu bo cuminsa y bo mas bo huma, mas dificil pa bo stop. E no ta imposibel pa stop si. Dr. Rolfast sa di hopi hende cu a logra stop y pashentnan cu a logra stop, ta bisa cu nan ta sinti mas fit, menos gasto, pasobra sigaria ta un adiccion cu ta costa hopi cen y nan ta sali for di cas haci mas cos. Humamento di sigaria ta tuma hopi di bo tempo tambe. E persona ta bira mas activo. E no ta imposibel.

Tin praktijkondersteuners cu tambe por yuda pa guia e pashent pa stop cu e adiccion di huma. E ta cuminsa na tuma e decision pa bo stop. Si bo mira mundialmente ora cu nan cuminsa huma, mayoria ta 20 aña. Ta hopi tiki cu bo ta mira un persona di 40 aña ta cuminsa huma. E ta cuminsa na e hobennan, pa preveni pa nan huma sigaria.

Dr. Rolfast a menciona cu e no ta ireversibel. Una bes cu bo yega na malesanan cardiovascular, cancer, stroke, etc., bo a yega na e parti ireversibel. Ora bo yega na e Stroke, cancer, atake di curason, ainda e ta ireversibel. Bo por stop di huma y tin biaha bo chens mescos cu un hende cu no ta huma.

E adernan ta haya daño cu por bin un obstruccion. E obstruccion aki ta percura cu e no tin circulacion y oxigeno na organonan vital cu ta e curason y celebro. E ora ey un parti di e curason of celebro ta muri y bo ta sigui biba cu organonan vital cu no ta traha 100%. Esey ta locual ta pas y si un gran parti di bo curason of celebro muri, e ora ey bo mes tampoco no por sobrevivi.

Si un persona tin hookah sin tabaco, e ora no tin e problema. Pero hopi biaha e hookah tin e tabaco. Djis pa duna un ehempel, den tabaco tin nicotina, pero tin cinco mil diferente substancia den tabaco. Un di nan ta sin nicotina. E otronan djis pa duna algun ehempel, tin veneno di raton den dje. Tin pesticida den dje, tin catium den dje (algo cu ta hinca den bateria), tin amoniak cu ta hinca den productonan pa haci cas limpi. Asina tin miles di producto mas cu ta veneno den e tabaco. Eseynan ta haci pa e nicotina traha mas fuerte. Pesey nan ta pone tur e productonan ey den sigaria.

Dr. Rolfast a menciona cu a haci estudionan cu humamento por causa malesanan cardiovascular. Si ta asina na Aruba cu 8 porciento ta un porcentahe basta halto, compara cu Hulanda, e no ta halto. Pero e ta un porcentahe halto. E por tin consecuencianan hopi grandi. Awo cu ta registra tur cos digital, por haya sa cuanto hende ta huma. Por ta e 8 porciento ta mas. Ta wak tambe cu ora un hende cuminsa huma, ta hopi jong. Mas tempo e huma, mas dificil e stop. Locual cu ta wak cu si ta den un ambiente cu ta huma, manera amigonan ta huma, nan ta bay huma mas lihe, compara cu un ambiente cu no ta huma aden. Por ehempel tambe na cas, of si e pareha ta huma, dr. Rolfast a splica.

Por mira hopi hoben, ora cu nan sali, nan ta huma. E ta cuminsa eynan, esta huma socialmente. Ora nan sali, ora dal un drinks, nan ta huma un sigaria. Humamento social, por bira humamento diario tambe. E dokter a enfatisa cu humamento ta malo. Pero cu no ta imposibel pa stop. Dimas si no cuminsa ta miho, pa preveni malesanan. Si tuma e decision pa stop, e persona por haya un guia, e medico a bisa por ultimo.

 

 

- Advertisement -

DUNA COMENTARIO

Please enter your comment!
Please enter your name here