Home Hudicial Increible con un gerente ehemplar pa 36 aña largo a haya un...

Increible con un gerente ehemplar pa 36 aña largo a haya un scop asina di compania

378
0
SHARE
????????????????????????????????????
- Advertisement -

Caso lo bay Corte

ORANJESTAD (AAN): Aki algun siman lo bay tin un caso civil den Corte di Husticia na Aruba, cu lo bay trata un caso unda un dama local trahando casi 36 aña pa un compania na Playa, a wordo retira abruptamente.

E retiro aki a shock no solamente e empleadonan, pero tambe hopi famia y amigonan di e gerente femenino aki.

DIARIO no a haya mucho informacion relaciona cu e caso, pasobra tur esaki lo bay wordo defende den Corte.  Pero si aparentemente e gerente a firma un documento cu un empleada a presenta na dje, siendo cu e detayenan riba e papel no ta corecto, of a wordo traha cu mal intencion.

E retiro aki a dal e dama tambe basta duro, mirando e hecho cu apenas algun tempo pasa el a perde su esposo cu a fayece, y tin tambe 3 yiu pa cria, di cual uno ta special.

Casi 36 aña trahando pa un empresa local, dunando semper su mihor prestacion y canando e caminda corecto.  Anto awor pa un solo eror chikito, e ta haya un scop asina mahos.

Su bida ta hopi duro, y pesey su famia y amigonan ta hopi contento cu el a hiba e caso aki dilanti Huez, y nan tin tur confianza cu husticia lo prevalece.

Ta increible pa pensa, cu su mesun hefe tabata hasta bin te na su cas pa come.  Anto awor diripiente a bira un enemigo asina.

Pa 36 aña si e tabata bon anto?  Anto pa un cos recien, ya a lubida tur e golden 36 years?

Un di e personanan cu ta hopi cercano di dje, y cu a dune conseho, a bise pa semper e keda cana cu cabez na laira, keda cu hopi fe den su mes, y deposita tur confianza den Dios, y alavez tur dia sigui e palabranan di Psalmo 109 cu ta yudabo sobrepasa tur obstaculo cu tin.

- Advertisement -

DUNA COMENTARIO

Please enter your comment!
Please enter your name here