Home Comentario Independisa pero con?

Independisa pero con?

15
0
SHARE
- Advertisement -

Remitido

Ora lesa den prensa local cu e Gobierno nobo ke bay independisa entre otro “Raad van Advies”(RvA) y “Algemene Rekenkamer”(AR) por considera e plan aki algo positivo y ta puntra pakico no a inclui “Conseho Electoral Supremo”den e plan.

Semper mi ta keda pone atencion riba e hecho cu ARUBA  ta un isla di hopi menos habitante cu e pais Hulanda cu tin miyones di habitante cu un organizacion estatal basa riba su grandura y historia.  Pesey Aruba mester pensa pa traha riba un organizacion estatal cu un pueblo di e tamajo di Aruba por carga financieramente y cu por funciona mas eficiente.

Nada di dos instancia di Aruba traha e mesun trabao!  Sigur sigur Aruba ta dispone di hopi hende cu bon preparacion y cu hopi bon experiencia den con Aruba a/ta funciona. E unico cos cu ta pidi e expertonan aki ta : basa boso mes riba boso experiencia na Aruba y no laga e teoria cu boso a sinja segun estudio na Hulanda domina boso pensamentonan introduciendo copias!

Na kico mi ta referi specificamente? Mi ta referi na e tareanan y organizacion interno di RvA y AR pa Aruba. Si den e actual situacion RvA y AR ta traha pa Gobierno of Parlamento, den un situacion nobo nan mester ta disponibel pa traha pa Gobierno , Parlamento y Pueblo. Ademas mester introduci den e leynan e obligacion di informa pueblo sin cu Gobierno of Parlamento por prohibi nan.

Pa pueblo nan mester ta un fuente habri di informacion y di conseho. Tambe mester pone den e leynan cu e linea pa e instancianan for di cual RvA y AR mester haya informacion pa nan trabao mester ta un linea directo sin intermediacion di Gobierno of Parlamento y si ta necesario pa nan trabao nan mester por tuma suficiente empleado den servicio.

Pa loke ta integridad y transpariencia nan mester ta e ehempelnan pa otro instancianan di Gobierno y Parlamento. Por studia si RvA y AR mester bay traha completamente cu empleadonan/conseheronan “full time” en bes di miembronan “part time”.

 

  1. Arends

rsarends@hotmail.com

 

- Advertisement -

DUNA COMENTARIO

Please enter your comment!
Please enter your name here