Home Enseñanza “Kidspreneur$ with BIG Ideas” ya caba ta un exito

“Kidspreneur$ with BIG Ideas” ya caba ta un exito

13
0
SHARE
- Advertisement -

Muchanan di Traimerdia hopi contento

ORANJESTAD (AAN) – E proyecto di “Kidpreneur$ with BIG Ideas” cu gran entusiasmo ta  continuando na “Traimerdia Dakota/ Fatima College”.

   Durante e proyecto aki e muchanan di 5-de y 6-de klas cu ta bishitando Traimerdia a siña con nan por logra tin nan mes un negoshi usando nan propio creatividad.

    Durante e simannan cu a pasa e muchanan a haya diferente workshop y a traha algun arte manera: carchi creativo, pintamento riba canvas y tambe nan a siña con pa traha juice saludabel/natural y a siña con pa crea un areglo musical cu lo por genera placa.

   Cu tur e workshopnan menciona, e muchanan a haya mas conocemento di con por realiza ideanan y asina bira un negociante/ -entrepreneur.

   Durante e proyecto e muchanan ta cuminsa pensa ki negoshi nan mes lo kier y pone esaki den nan mesun Business Plan pa e negoshi di nan soño.

   E proyecto na Traimerdia Dakota a cuminsa 28 februari 2018 y lo termina diabierna, 20 april 2018. Despues di aki lo sigui pa un siguiente Traimerdia.

   Sra. Jurainne Donata, a duna e workshop di “Creative Cards”. Akinan e muchanan a uza nan creatividad den arte y a traha un bunita carchi di nan prome letter di nan nomber, cu e material di ‘quilling paper’ y stenchi. Tambe sra. Donata a mustra nan otro ideanan cu bo por traha cu ‘quilling paper’.

   Garden Fresh Café, cu a manda señor Alejandro Villa Vasquez y señor Juan Perez como nan representante, lo duna e siguiente workshop.

   E muchanan a haya conocemento di con ta traha juice fresco y smoothie. Tambe a splicanan con saludabel esaki ta pa bo curpa. Nan a haya mas reseta di con pa traha juice fresco. Na final di e dia cada mucha a ricibi un voucher caminda nan por bay busca un free smoothie na Garden Fresh Café.

Akinan e muchanan a haya otro experiencia con un dia nan tambe por ta doño di un ‘healthy drink café’.

   Directie Cultuur Aruba (DCA) a participa den e proyecto aki, caminda señor Robert Maduro a practica musica cu e muchanan. E muchanan a siña con por promove, produci y composita “Musica”. Durante e workshop un mucha mester a scirbi riba papel kico su klas ta pensa di Traimerdia y na final, nan mes hunto cu señor Maduro cu su gitara a traha un composicion di e cantica y tur hunto a canta e cantica.

   Sra. Sandra van de Linde, a siña e muchanan con pa schets y verf ariba canvas. Tur mucha a usza nan creatividad y a pinta masha bunita ariba nan canvas.

   Den e proximo simannan dilanti e muchanan lo haya hopi mas demostracion y oportunidad pa nan traha nan propio producto of arte uzando nan propio creatividad.

   E proyecto tin un duracion di 2 aña y lo present’e na tur 9 Traimerdia di Aruba.

Actualmente tin 998 muchanan for di kleuter te cu 6 de klas cu ta bishitando e 9 Traimerdianan. Di e cantidad aki tin 312 muchanan den klas 5 y 6, riba cual grupo e proyecto lo concentra su mes.

   E proyecto lo ofrece e muchanan educacion empresarial y lo yudanan reconoce oportunidadnan comercial. E lo siña e muchanan con pa gana placa ya for di un edad hopi jong uzando nan mesun creatividad. Pa asina stimula nan mesun negoshi un dia den futuro.

    E intencion ta pa e muchanan haya un oportunidad pa bende nan producto durante un feria cu lo organisa durante e proyecto.

   Cu e proyecto aki, Iniciativa pa Desaroyo di Empresa Arubano (IDEA) ubica den e oficina di Departamento di Asuntonan Economico, Comercio y Industria cu sosten di e Ministerio di Finanzas, Asuntonan Economico y Cultura conhuntamente cu Traimerdia, ta convenci cu e muchanan lo siña hopi y cu nan lo ta un bon futuro “Empresario Prepara”.

   Ta desea tur e muchanan di Traimerdia hopi exito cu e bunita proyecto di:

“Kidpreneur$ with BIG Ideas”.

- Advertisement -

DUNA COMENTARIO

Please enter your comment!
Please enter your name here