Home Comercio KvK tambe ta stop di acepta cheque

KvK tambe ta stop di acepta cheque

10
0
SHARE
- Advertisement -

ORANJESTAD (AAN): Entrante 1 di mei e aña aki Camara di Comercio y Industria di Aruba (KvK) oficialmente lo no acepta ningun tipo di cheque di banco mas como forma di pago pa su servicionan. E ultimo dia cu ainda esaki lo ta posibel ta dia 30 di april 2018.

E motibo tras di esaki ta relaciona cu e decision cu Asociacion di Banconan di Aruba (ABA) a tuma pa descontinua e uzo di chequenan personal y tambe chequenan corporativo como formanan di pago.

ABA a indica cu cheque ta un forma anticua y ineficiente. Algun motibo pa no uza cheque mas ta cu cheque ta algo cu bo tin cu skirbi na man, e ta tuma hopi tempo, y tin su riesgonan manera: falsificacion, falta di fondo, expone e cliente y tambe e ta tuma mas tempo pa pasa e placa.

KvK kier recorda cu bo pagonan por worde procesa sea via un transferencia online, den placa efectivo, of via e ATM na bali di recepcion di KvK.

- Advertisement -

DUNA COMENTARIO

Please enter your comment!
Please enter your name here