Home Cultura Mañan nos ta celebra Dia di Rey

Mañan nos ta celebra Dia di Rey

236
0
SHARE
- Advertisement -

For di 2014 Aruba ta celebra dia 27 di April, Dia di Rey.

Antes nos tabata celebra Aña di La Reina cu tabata riba dia 30 di April.
Na aña 2013 Prins Willem Alexander a bira Rey y for di e aña siguiente nos a cuminza
celebra dia di Rey.

Ken ta Prins Willem Alexander Prins Willem Alexander a nace dia 27 di April 1967
como e prome yiu di Prinses Beatrix y Prins Claus der Nederlanden.

E prins a bini na mundo den e hospital Academico di Utrecht. Su infancia e Prins a
pase ariba e Kasteel Drakensteyn den e comunidad Lage Vuursche.

Prins Willem Alexander tin dos ruman homber:
Prins Johan Friso (1968) y Prins Constantijn (1969).

Prins Willem Alexander a  sigui su estudio basico na e school Nieuwe Baarnse na
Baarn. E Prins a cuminza su school secundario na Baarns Lyceum.

PRINS VAN ORANJE

Dia 30 di April 1980 e investidura a tuma lugar di Beatrix como Koningin der Nederlanden.

Como consecuencia di esaki Prins Willem Alexander como yiu mayor a bira
e prome heredero di trono y cu esey el a obtene e titulo di Prins van Oranje, un titulo cu desde 1815 a keda reserva pa e yiu mayor di e Rey.

E Famia Real a muda na 1981 di Kasteel Drakensteyn pa e palacio Huis ten Bosch
na Den Haag. E Prins a sigui su estudio escolar na e prome Lyceam Liberal Cristian na
Den Haag. El a cera su estudio secundario na Atlantic College na Llantwit Major
na Wales (Gran Bretania), na unda na aña 1985 el a haya su diploma di “International
Baccalaureaat”.

Prins Willem Alexander a cumpli cu su servicio militar prome cu el a inscribi su mes
na aña 1987 na e Facultad “der Letteren” pa su estudio di historia na e Universidad
Estatal di Leiden. E Prins a ocupa durante su estudio un edificio na e Rapenburg di
e ciudad aki.

E estudio di e Prins tabata inclui vaknan manera historia universal y
patriotico, historia economico, politica y derecho publico, derecho di e comunidad
Europeo, derecho internacional publico, derecho humano y economia.

E Prins a termina su estudio cu un scriptie ariba e reaccion Hulandes ariba e eacuerdo
di Francia (bao President De Gaulle) pa drenta den e reintegracion di e structura
di commando di NAVO. Na 1993 e Prins a slaag pa su examen di doctoraal  geschiedenis.

Na 1995 Prins van Oranje a bay biba den e edificio di Noordeinde 66 na Den Haag,
cu ta keda pega cfu Paleis Noordeinde.

Dia 2 di Februari 2002 Prins van Oranje a casa cu Maxima Zorreguieta. E casamento a
tuma lugar na Amsterdam.

CARERA MILITAR

Prins van Oranje a cumpli cu su servicio militar na e Koninklijke Marine for di Augustus 1985 pa Januari 1987. Despues di algun luna di entrenamiento na e Instituto Real pa Marina na Den Helder el a presta servicio abordo di e fregata Hr.Ms. Tromp y Hr.Ms. Abraham Crijnssen.

Na 1988 Prins Willem Alexander a traha abordo di e barco Hr.Ms van Kinsbergen como oficial di guardia pa un repeticion di instruccion military. Despues di a caba cu su servicio militar  el a obtene na 1993 su certificado di piloto militar na e 334 Transportsquadron di e Forza Aereo Real.

Mañan nos ta celebra Dia di Rey Na 1994, despues di su estudio universitario, Prins
Willem Alexander a sigui durante algun luna college na e Instituto di Derecho na unda e accento tabata ariba e aspectonan di e Forza Real na tera y e Forza Real aereo.

Tambe e Prins a haci bishitanan di trabao na entre otro e Korps  Mariniers y na e Koninklijke Marechaussee.

Na 1995 y 1996 Prins Willem Alexander a haci bishitanan na e trupanan staciona na Bosnia, na e cuerpo di ejercito di Hulanda-Alemania y e ejercicio di NAVO na Noruega.

Na 2001 el a bishita e unidadnan Hulandes na Etiopia y Eritrea cu a worde postula den e cuadro di operacion UNMEE (United Mission in Ethiopia y Eritreat).

E Prins tin e siguiente rangonan militar: capitan pa lama di e personal di reserva.

- Advertisement -

DUNA COMENTARIO

Please enter your comment!
Please enter your name here