Home Turismo Mas oportunidad pa hende muhe como GM den hotelnan

Mas oportunidad pa hende muhe como GM den hotelnan

15
0
SHARE
- Advertisement -

Vanessa Fernandez di Riu Palace Aruba

ORANJESTAD(AAN)– Riu Palace Aruba ta orguyoso di tin un General Manager femenino cu ta encarga pa desaroya y ta envolvi den e industria di hospitalidad. E carera di Vanessa Fernandez a cuminsa cu RIU Hotels & Resorts y a resulta masha interesante.

Vanessa Fernandez a traha 4 aña na Punta Cana, unda cu e oportunidad a presenta p’e pa bay traha na RIU Hotels & Resorts na Mexico, unda el a traha otro 4 aña. Prome cu el a bin Aruba, Vanessa Fernandez tabata un ehecutivo na Jamaica pa 3 aña cu e cadena di RIU.

“E posicion di General Manager ta igual pa hende homber of un hende muhe”, asina Vanessa Fernandez a expresa. Aunke awo tin poco hende muhe den e posicion di general manager, e ta kere cu poco poco e oportunidad pa trabounan den top ta creciendo pa hendenan muhe den e sector di hotel y e ta premira un crecemento den cantidad di hende muhe haciendo e trabou di maneha propiedadnan como general manager.

E ta gradici pa e oportunidad di traha na Aruba. E tin dos aña y mey na Aruba y ta sinti bon bini y comodo aki. E ta felicita comunidad di Aruba y specialmente tur su coleganan y desea tur un feliz dia di obrero.

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014.

Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

- Advertisement -

DUNA COMENTARIO

Please enter your comment!
Please enter your name here