Home Deporte Master Melissa Noguera a atende clinica di World Tang Soo Do Federation

Master Melissa Noguera a atende clinica di World Tang Soo Do Federation

30
0
SHARE
- Advertisement -

ORANJESTAD (AAN) – Recientemente Master di Aruba Tang Soo Do Federation, Melissa Noguera a biaha pa Huntsville, Alabama pa e di 29 edicion di e Masters Clinic organisa pa World Tang Soo Do Association.

E master clinic aki a tuma lugar e dianan 22 pa 24 di Maart. E tema di e master clinic e aña aki  tabata perseverancia.

Na banda cu e haya diferente informacionnan valioso relaciona cu e team a haya tambe entrenamento den e diferente disciplinan di Tang Soo Do.

Parti mainta mester a sigui cu e entrenamento den ki kong ( training di energía di chi). A haya entrenamento di diferente senior master di entre otro Inglaterra, Merca, Hulanda den tecnica y forma di spada di 5de Dan Master.

E parti di Sparring, fighting fan drills, training di Tricks cu Bo staff, inovacionan den training di sparring, open hand forms pa e siguiente faha di 5de Dan. Pero tambe a haya entrenamento di tur e formanan Basico di Grandmasternan.

Cada entrenamento tabata tin un duracion di 2 ora pa dia, sigui pa diferente charla te lat den anochi. Mester bisa cu a inicia cu charla pa un grupo special di tur e masternan di Latino America y Caribe.

E continuacion di sigui e desaroyo di Tang Soo Do di serca ta importante pa Master Noguera por sigiu cu implementacionan y desaroyo den e arte y deporte aki.

 

Stichting Sportsubsidie Aruba ta subsidia e biahe di master Melissa Noguera pa e Masters Clinic organisa pa World Tang Soo Do Association na Huntsville, Alabama.

 

 

 

 

 

 

 

- Advertisement -

DUNA COMENTARIO

Please enter your comment!
Please enter your name here