Home Cultura Mayoria a mira “Caminda di Cruz” via Diario TV y 24ora.com

Mayoria a mira “Caminda di Cruz” via Diario TV y 24ora.com

24
0
SHARE
- Advertisement -

ORANJESTAD(AAN): — Diabierna Santo, desde 10’or di mainta a inicia e transmision di e tradicional “Caminda di Cruz” bibo for di Misa Fatima na Dakota.

E aña aki 24ora.com a transmiti e procesion completo, hunto cu Diario TV canal 48 riba Cable TV. Algun mil hende a mira e transmision via Facebook y internet, mientras otronan a sigui’e via Cable TV.

Di e forma aki mayoria por a rebiba e momento cu a cana cu Hesus te pa crusifik’e. E ekipo completo di 24ora.com ta gradici tur cu a sigui e transmision aki y a scoge pa mir’e via nos riba e website y DIARIO TV na Canal 48.

Gina Nuboer ta encabesa e comision cu anualmente ta organisa e procesion bibo aki. E aña aki ta di 10 biaha cu ta tene e Caminda di Cruz bibo aki, pasando den varios cayanan di Dakota y pa termina na Misa di Dakota. Mester menciona cu tur biaha ta adapta e ruta di e procesion.

E comision ta gradici Pastoor Szpila pa su contribucion y sosten na e comision pa organisa e evento, cu tur aña ta conta cu un atendencia grandi di primordialmente e fielnan di Dakota, pero tambe di tur otro districto.

E comision ta gradici e ekipo grandi di boluntarionan cu ta sostene e procesion, sea nan ta actua den dje of ta duna un man di un forma of otro.

E aña aki a nota cu hasta Pader Jairo, aunke no ta di e parokia di Dakota mas, toch a participa activamente den e Caminda di Cruz, yudando Hesus durante e canamento prome cu a crusifik’e.

Otro aña lo organisa e Caminda di Cruz atrobe, riba Bierna Santo, cu otro aña lo ta riba Diabierna dia 19 di April 2019.

 

- Advertisement -

DUNA COMENTARIO

Please enter your comment!
Please enter your name here