Home Politica MEP ta sigui tene reunion informativo den bario

MEP ta sigui tene reunion informativo den bario

25
0
SHARE
- Advertisement -

Cumpliendo cu transparencia:

ORANJESTAD (AAN): No obstante cu Eleccion a pasa y Partido MEP ta formando coalicion den Gobierno, e partido geel no ta para keto y ta sigui move den barionan.

Ta notable cu tin masha interes den bario pa e informacion cu MEP ta trece padilanti pa cua motibo MEP lo sigui informa pueblo cu e berdad y realidad. Di e manera aki, Partido MEP ta cumpli cu transparencia.

Na luna di maart, a tene reunion den e bario di Savaneta na unda e interes a sobrepasa tur expectativa. Un publico grandi a presencia e reunion aki. Na luna di april, a toca turno na e bario di Paradera cu un publico grandi atrobe. Asistencia tabata core den 250 pa 300 hende den ambos reunion.

Durante e reunionnan, publico a haya e oportunidad pa haci nan pregunatanan of trece nan inkietudnan dilanti.  Integrantenan di MEP a contesta tur pregunta y a comparti informacion importante di e desaroyonan den nos comunidad como tambe den gobierno. Ta importante pa pueblo comprende cu e crisis financiero cu Aruba ta aden awo aki ta un crisis traha pa Mike Eman y partido AVP. Cu MEP awo den Gobierno, e prioridad ta pa sanea e situacion financiero di nos pais pa asina laga un Aruba na unda por tin un desaroyo economico structural pa e siguiente generacionnan.

E reunionnan informativo lo continua den diferente barionan di Aruba. Keda pendiente pa mas informacion tocante e proximo fecha y luga.

- Advertisement -

DUNA COMENTARIO

Please enter your comment!
Please enter your name here