Home Parlamento Mester bin cu un tipo di ‘SWAT Team’ pa controla e prijsnan...

Mester bin cu un tipo di ‘SWAT Team’ pa controla e prijsnan di productonan di canasta basico

19
0
SHARE
- Advertisement -

Endy Croes:

ORANJESTAD  (AAN): Durante un conferencia di prensa di fraccion di MEP, parlamentario Endy Croes a indica cu constantemente durante reunionnan den parlamento, nan ta exigi mas pa por alivia e dolor den e cas di e homber chikito.

“Cuminzando 1 di Juli e pensionadonan ta bay haya un reduccion di 4% di AZV”.

“Nos a press hopi pa amplia e canasta basico unda cu nos a cuminza cu 11 producto y awor mi a compronde cu nos ta yegando 30 producto”.

“Ainda ami y algun otro parlamentario kier pa bin cu mas, pero si nos yega 30 caba esey ta hopi bon”.

Esaki segun Croes, kende a indica cu mester pone un ‘SWAT-Team’ cu realmente por controla esaki na cada supermercado primordialmente y duna un multa na esnan cu ta faya cu e prijs.

“Nos ta te hasta bay mas leu, unda cu nos peticion como parlamentario ta pa pone un lista cu tur e prijsnan di e productonan di e canasta basico banda di cada cahero”.

“E ora ey abo sa ora cu bo yega, cu e prijs aki ta tanto y ningun hende por bisabo cu no ta asina”, segun Croes  kende a indica cu e intencion ta tambe pa restructura AZV, pa e bira un instancia cu ta carga su mes.

El a sigui bisa cu tin mas cambio cu por bin pa baha gasto, incluyendo e gastonan medico na Colombia y otro paisnan cu ta costa Aruba alrededor di 70 miyon florin tur aña.

Segun Croes, e intencion ta tambe pa purba di baha e prijs di awa y coriente cu 5 pa 10%, prome cu Juli.

 

 

- Advertisement -

DUNA COMENTARIO

Please enter your comment!
Please enter your name here