Home Gobierno Mesun retonan cu Aruba ta enfrenta cu Medio Ambiente tambe Hulanda ta...

Mesun retonan cu Aruba ta enfrenta cu Medio Ambiente tambe Hulanda ta confronta cune

19
0
SHARE
- Advertisement -

Segun Wereld Natuur Fonds:

ORANJESTAD  (AAN):  Wereld Natuur Fonds ta un di e fondonan di mas grandi pa loke ta encera fondonan ambiental no na Hulanda solamente, sino tambe mundialmente. Durante reunion cu Minister di Infrastructura y Medio Ambiente Otmar Oduber, hopi informacion a wordo intercambia pa loke ta plannan y retonan actual cu Aruba ta enfrentando relaciona cu e maneho di medio ambiente.

Por medio di un combersacion sumamente ameno y interesante Minister Otmar Oduber a splica di diferente plan cu ta trata e naturalesa di Aruba pa salvaguardia esaki, como tambe e aspecto medio ambiental.

A papia di Minister su intencion pa sigui cu e trabaonan pa establece e parti maritimo y e proteccion di 16+ areanan pa 19 area incluyendo sitionan arkeologico, pa salvaguardia un balansa na Aruba, como tambe e desaroyo.

Director di Wereld Natuur Fonds sra. Kirsten Schuijt a splica tambe cu e mesun retonan cu ta enfrentando na Aruba ta e mesun retonan cu ainda ta cosnan cu ta alcaso na Hulanda tambe. Semper e pregunta di kico ta desaroyo duradero y sostenibel ta bin dilanti na Hulanda. Tambe el a duna diferente ehempel actual di esaki.

Algun cos cu ta hopi aparente ta cu Wereld Natuur Fonds ta bastante activo internacionalmente manera na e BES eilanden y Colombia, unda cu poco poco nan ta yudando Gobiernonan y organisacionnan local pa asina yega na nan meta, por medio di colaboracionnan y inclusion di personanan y NGOs cu ta forma un elemento sumamente necesario pa proyectonan medio ambiental.

Den colaboracion estrecho cu departamentonan gubernamental. A papia di un posibilidad di por organisa un congreso den forma chikito na Aruba unda cu sra. Schuijt a wordo invita pa bin intercambia su experticio na partnernan  intersa den esaki, como tambe den colaboracion cu departamento encarga cu medio ambiente, esta Directie Natuur en Milieu (DNM).

Sra. Schuit a splica tambe cu desaroyo economico por bay cu desaroyo medio ambiental si esaki ta tuma luga den balansa y responsabel. Como ehempel el a splica cu na Hulanda  cu enfoke riba cierto areanan mas y mas ta lagando naturalesa ta e motivacion pa hende bishita e areanan akinan y percura pa mas ingreso na e areanan specifico aki.

Ta invita comunidad pa keda pendiente di trabaonan cu lo wordo haci den colaboracion entre Aruba y Wereld Natuur Fonds.

- Advertisement -

DUNA COMENTARIO

Please enter your comment!
Please enter your name here