Home Gobierno Minister Chris Romero cu implementacion di Cannabis medicinal ta rekeri estudionan profundo

Minister Chris Romero cu implementacion di Cannabis medicinal ta rekeri estudionan profundo

99
0
SHARE
- Advertisement -

ORANJESTAD (AAN): Uso di cannabis medicinal ta tumando hopi forsa mundialmente. Mas y mas ta e paisnan cu ta legalisando e uzo medicinal di e planta aki pa yuda esunnan mas vulnerabel door di nan estado di salud.

Esaki ta un realidad creciente mundialmente y como tal aki na Aruba Gabinete Wever-Croes a institui un comision di experto pa sondea e miho opcionnan pa por haci uso di cannabis medicinal aki na Aruba.

Minister Chris Romero ta enfatisa cu “teniendo na cuenta e pensamento cu nos Prome Minister ya caba a duna di conoce riba e asunto di uzo medicinal di cannabis na Aruba, mi ta di opinion cu e ta na su luga pa duna espacio na e comision encarga cu e analisis, haci lo necesario y realisa tur estudio corespondiente pa asina por yega na un conclusion definitivo riba e topico di cannabis medicinal”.

Mientras cu na diferente pais den nos hemisferio y na Europa tin estudionan extenso cu a keda realisa caba riba e tematica di legalisacion di cannabis, Minister Romero ta di opinion cu no por lubida cu “estudionan haci na otro paisnan no necesariamente ta aplicabel pa nos pais. Nos mester por compronde cu cada pais tin un medida diferente ora ta regarda impacto socio economico. Como tal, nos mester por haci nos propio estudionan encuanto implementacion di cannabis medicinal na Aruba, pa asina por yega na un structura corecto pa su uzo den pashentnan cu mester di dje na nos pais”.

 

- Advertisement -

DUNA COMENTARIO

Please enter your comment!
Please enter your name here