Home Gobierno Minister Dangui Oduber kier sigui inverti mas placa den Deporte

Minister Dangui Oduber kier sigui inverti mas placa den Deporte

61
0
SHARE
- Advertisement -

ORANJESTAD (AAN): Diahuebs mainta, den presencia di Minister di Turismo, Salubridad y Deporte Sr. Dangui Oduber hunto cu Minister Andin Bikker y Minister Glenbert Croes, Parlamento di Aruba a cuminsa trata e presupuesto 2018.

Un presupuesto cu mester a worde trata dia 1 di September 2017 door di gobierno anterior cu a faya di cumpli cu esaki. Durante e reunion aki tur e parlamentarionan a haya e oportunidad pa dirigi palabra na e ministernan presente y haci nan preguntanan cu ta concerni e diferente carteranan. Loke tabata di remarca tabata e continuo ausencia di e parlamentarionan di fraccion di AVP.

Mirando e hecho cu durante e reunion a trata tres ministerio cu tin carteranan cu peso sumamente grandi, a spera cu e fraccion di AVP cual ta consisti di ex-ministernan cu “experiencia” a bin cu hopi pregunta pero esaki no tabata e caso.

Durante reunion diferente parlamentarionan a sa di duna nan sosten na Minister Dangui Oduber muy especialmente den e area di deporte caminda por a mira cu 8 aña largo deporte no a haya atencion debido. Sr. Alan Howell di fraccion di POR a duna 100% sosten na nos Minister di deporte pa cualkier decision cu e mandatario tuma na bienestar di deporte.

“Un deportista mas ta un delincuente menos”. Di parti fraccion di MEP Sr. Edgard Vrolijk a elogia nos Minister di deporte pa su bunita proyecto di ballpark. Den 8 aña no a mira un proyecto asina. “Un atleta no por core cu placa den su cartera, e mester core cu speranza den su curason y soño den su cabes”.

E vision di Minister Dangui Oduber ta pa inverti mas placa den deporte, mantene e facilidadnan deportivo, construi facilidadnan y yuda tur e federacionnan pa asina deporte haya su lugar back den nos comunidad. Pa 8 aña largo gobierno anterior a lubida ariba deporte y a permiti Lotto pa Deporte haci mal uzo di tur e entradanan cu ta worde genera pa Lotto pa Deporte perhudicando nos deportistanan. Awe e facilidadnan no ta worde manteni y e hunta di directiva ta cobra e suma di 600 mil Florin pa aña.

Placa ta bay na paga abogadonan, pa camara di seguridad pa miembronan di directiva, pa huur edificio di nan mes y pa nan mes biaha rond di mundo cu placa cu mester a bay pa nos deportistanan. Loke ta mas di lamenta ta con e director di Lotto mes, esta Sr. DiStefano Wernet ta involucra den e mal maneho aki.

Minister Dangui Oduber a divulga cu e director actual cu tabata miembro di e hunta di supervision di Lotto pa Deporte, tin un compania di accounting. E mes ta duna su mesun hunta di directiva servicio di accountancy, esta di relatonan financiero.

Te ainda minister ta warda riba e ultimo 4 relatonan financiero. Minister a mustra en grande pruebanan caminda Director di Lotto Sr. DiStefano Wernet mes ta paga na su mes persona y e ta firma pa ricibi esaki, locual ta condenabel.

Sr. Wernet a cobra den su totalidad 218 mil Florin den apenas 9 luna. Ministerio di Deporte a dirigi un carta na directiva di Lotto informando cu esaki ta bay contra tur etica. Ta sumamente tristo con e gobierno anterior a sostene e tipo di practicanan aki.

- Advertisement -

DUNA COMENTARIO

Please enter your comment!
Please enter your name here