Home Gobierno Minister Dangui Oduber ta felicita IMSAN cu nan ambulance nobo

Minister Dangui Oduber ta felicita IMSAN cu nan ambulance nobo

6
0
SHARE
- Advertisement -

ORANJESTAD  (AAN):  Diaranson atardi Minister di Turismo, Salubridad Publico y Deporte Sr. Dangui Oduber tabata tin e honor y placer pa presencia e entrega di 1 ambulance nobo na IMSAN, riba invitacion di IMSAN y sigur esaki ta cuadra cu e vision di e mandatario.

Esaki ta pa mehora e cuido y e servicio cu ta wordo brinda na comunidad. Parti di e servicio ta pa busca mas ambulance y mester bisa contrario na loke un media di prensa a trece dilanti, e ambulance a wordo bestel for di December caba door di IMSAN.

E ambulance aki ta moderno, “state of the art” y ta cumpli cu tur e exigencianan internacional. E ambulance tin WIFI abordo pa por comunica cu eerstehulp unda por pone e personalnan na altura kico ta e trauma y con pa atende cu esaki ora e pashent yega.

E mandatario a duna di conoce cu lo bai busca 3 ambulance mas pa asina por cumpli cu 10 ambulance den servicio y den bon condicion pa por brinda e calidad di cuido cu kier brinda na e comunidad. Minister Dangui Oduber ta felicita IMSAN cu e ambulance.

 

- Advertisement -

DUNA COMENTARIO

Please enter your comment!
Please enter your name here