Minister Otmar Oduber a reuni cu Piet Hein Donner pa trata temanan cu enfoke riba bienestar duradero di Aruba

    86
    0
    SHARE
    Min. Otmar Oduber ontmoet dhr. Donner
    - Advertisement -

    ORANJESTAD (AAN): Minister Otmar Oduber  den su funcion como Vice Premier di Aruba a sinta cu sr. Piet Hein Donner cu ta Vice Presidente di Raad van State na Hulanda, e organo consultativo di Gobierno Hulandes, pa trata diferente temanan di importancia pa Pais Aruba y su futuro.

    Temanan cu a toca ta (1) Vision financiero di Aruba y e relacion pa cu Hulanda, y (2) Wetgevingsacademie cu banda di  un bestuursacademie, ta prioridad di pais Aruba

    Pa locual ta encera CAft por menciona lo siguiente:

    Minister Otmar Oduber a menciona cu CAft  den su forma cu el a worde introduci no a funciona debidamente. P’esey ta papia di crea dentro di e margennan di propio leynan di Aruba, mecanismonan cu si, ta percura pa e tipo di organonan aki ta funcional. A base di transparencia necesario y autoridadnan duna na instancianan oficial lo por na yega na un finansa publico saludabel y duradero.

    E puntonan aki a worde comparti cu sr. Piet Hein Donner cu a papia di importanica di crea presupuestonan cu entradanan cu no ta incidental sino, di uno cu vision a largo plaso cu ta acapara proyeccion di mas aña.  Pa di e forma aki por tin miho bista riba e  desaroyo financiero y stabilidad financiero di un Pais.

    Indepencia financiero

    Pa Gabinete Wever-Croes, e aspecto di independcia financiero ta worde mira como responsabilidad interno di un Pais na unda cu e finanzas publico balansa y sostenibel lo mester worde percura pe por medio di leynan  local. Un di e puntonan di enfoke pa locual ta Gabinete Wever – Croes ta: implementacion di un begrotingskammer cu lo sigura (mas ainda) un finanzas publico balansa y sostenibel. Un elemento esencial den esaki ta, e Financieel Economisch Memorandum (FEM) cu Minister di Finanzas Xiomara – Ruiz Maduro a presenta dos siman pasa na Hulanda, cu ta stipula e vision duradero pa Pais Aruba y su maneho financiero.

    Implementacion di un Academia di Legislacion

    Un otro punto importante cu a worde comenta den e reunion cu sr. Donner manera menciona anteriormente ta, e aspecto di wetgevingsacademie. Gabinete Wever – Croes y den e caso aki Minister di Husticia Andin Bikker lo kier institui un academia di legislacion. Pa reenforsa nos leynan existente y crea instrumentonan pa contribui na cambio di e sistema huridico actual, cu den cierto forma ta bastante anticua. Pa asina tambe por contribui na e vision general di crea un desaroyo sostenibel pa Aruba. Sr. Donner a indica cu di parti di Hulanda tin e disponibilidad pa keda duna asistencia tecnico pa cu e punto aki.

    Relaciona cu e aspecto di wetgevingsacademie, por menciona tambe cu parti di e pasonan cu ta worde tuma actualmente ta pa instala un Academia di Gobernacion (bestuursacademie). Prome Minister señora Evelyn Wever – Croes ya caba ta hibando combersacionnan cu Universidad di Aruba, specialmente e facultad di Organization Governance and Managament (OGM) pa sigui cu e trayecto di e academia aki. Esaki como refleho di un di e pilarnan cardinal di Gobernacion actual cual ta integridad.

    Como conseho pa Pais Aruba, sr. Donner ta menciona pa a caso bin cu un academia di Gobernacion, pa organiza esaki riba nivel regional (Aruba, Corsou, Sint Maarten). pa islanan reenforsa otro y intercambia experticio cu ta presente unicamente den region. Pa asina yega na un Gobernacion sano y structura pa Aruba y partners den region y asina tambe contribui en general, na bienestar di nos Reino. Ariba e topico aki Prome minister ya a hiba combersacion cu Su coleganan di Curaçao y St. Maarten unda lidera e proceso pa por yega e meta aki.

    Potretnan pa cortesia di Nico van der Ven.

     

    - Advertisement -

    DUNA COMENTARIO

    Please enter your comment!
    Please enter your name here