Home Gobierno Minister Otmar Oduber ta di acuerdo cu socialisacion di e tarifa pa...

Minister Otmar Oduber ta di acuerdo cu socialisacion di e tarifa pa recoge sushi

17
0
SHARE
- Advertisement -

Esaki mester bin na vigor pa prome di januari 2019

ORANJESTAD   (AAN):  Ya pa mas cu 3 aña a cuminsa cobra pa recogemento di desperdicio na cas. Den pasado na varios keho a wordo publica di comunidad y organisacionnan di e tarifa cu ta wordo cobra, pa cual sindicato FTA den pasado a indica cu nan no ta contra e hecho cu comunidad mester paga pa recogehemento di sushi, sino nan ta contra e forma cu e tarifa cu no ta socialisa, ta wordo cobra.

Minister di Infrastructura y Medio Ambiente Otmar Oduber a duna di conoce cu e tambe ta sostene e pensamento aki y di acuerdo cu socialisacion di e tarifa pa recogemento di sushi.

Den e ley existente ta casnan so ta wordo obliga na contribui cu pago pa recogemento di desperdicio, mientras cu comercio tambe tin un rol grandi pa carga den esaki.  Ora cu ta considera socialisacion di tarifa, esaki mester bin na vigor pa prome di januari 2019. Den cuadro di esaki lo percura cu comercio tambe ta contribui y carga e peso di recogemento y maneho di desperdicio akin a Aruba. Esaki ta significa cu lo crea posibilidad cu pensionadonan cu ta biba di AOW ta cay den ‘0 tarief’ mescos cu esnan cu ta cobra bijstand.

Na luna di juni  (e aña aki) lo dispone di informacion di ki direccion ta bay cu maneho nobo di desperdicio y hunto cu esaki e costo pa hiba e maneho y e tarifa pa recogemento di sushi lo bira conoci. Ta consultando cu diferente stakeholders y den deliberacion lo bay mira kico ta sosode cu esnan cu a paga caba durante e añanan cu a pasa y tambe kico ta bay pasa cu esnan cu no a paga.

Ta realisa cu e ta bira pisa pa cierto gruponan si mester bisa cu ta bay bek na cobra e añanan cu a pasa caba. Pero mester yega un balansa pa esnan cu si a paga caba pa e no ta un situacion inhusto.

E realidad ta, cu Gobierno ta 100% responsabel pa e gastonan di Serlimar. Esey a costa aña pasa 15 miyon florin di belasting di pueblo. Kiermen ta propio pueblo pagado di belasting ta page. Banda di esaki ainda a keda un debe na Serlimar riba 4 miyon directamente di operacionnan di Serlimar.

Esey kiermen cu Gobierno/pueblo mester bay cubri e 4 miyon aki adicional den presupuesto e aña aki. Ademas, tin un retraso di 9 miyon di fondonan di loonbelasting cu e compania no a paga, y ta e pueblo ta esun cu tin cu page na final.

Kiermen ora cu Gobierno haci e pago, ta e mesun ciudadano ta page, 100% di su placa di belasting. Mientras cu e suma aki por wordo aloca na otro prioridadnan cu tin den comunidad. Y no cu cierto momento un suma cu cierto hendenan ta paga y otronan no ta paga ta wordo carga door di otronan cu si ta cumpli cu nan responsabilidadnan.

 

 

- Advertisement -

DUNA COMENTARIO

Please enter your comment!
Please enter your name here