Home Enseñanza Ministro a entrega certificado na Kidentrepreneurs na Dakota

Ministro a entrega certificado na Kidentrepreneurs na Dakota

10
0
SHARE
- Advertisement -

ORANJESTAD (AAN): E proyecto di “Kidentrepreneur$ with BIG Ideas” a yega su final despues di 6 siman y diabierna ultimo Minister di Finanzas, Asuntonan Economico y Cultura señora mr. Xiomara Ruiz-Maduro tabata tin e placer di entrega certificado di ‘Kidentrepreneur$ with BIG Ideas’ na un grupo di hoben di klas 5 y 6 di Traimerdia na Fatima College na Dakota.

Tur e 20 muchanan cu a participa activamente durante e proyecto aki a ricibi un certificado bon mereci. Un bunita proyecto organiza pa e departamento IDEA di Departamento Economico den cua ta purba hinca e smaak den nos muchanan pa nan por bira comerciante ora nan bira mas grandi.

Minister a worde bon ricibi door di tur presente, y especialmente door di e muchanan cu a prepara y a dunele un regalo hopi bunita!

E mandatario a duna un tremendo speech di exito na e muchanan, y despues di esaki a entrega tur e certificadonan, firma door di su persona, na tur e muchanan cu a forma parti di e proyecto aki.

Minister Ruiz-Maduro ta yama un danki na tur hende cu ta haci e proyecto aki posibel. E programa aki lo sigui den mas grupo di Traimerdia pa mas hoben haya e oportunidad bunita aki.

- Advertisement -

DUNA COMENTARIO

Please enter your comment!
Please enter your name here