Home Gobierno Ministro Bikker mustrando cu Aruba por spera 58 Polis nobo pa fin...

Ministro Bikker mustrando cu Aruba por spera 58 Polis nobo pa fin di 2018

138
0
SHARE
- Advertisement -

Durante reunion Parlamento

ORANJESTAD (AAN): Tur cos ta musra, cu pa fin di aña 2018, Aruba lo tin 58 Polis nobo.  Esey ta loke Ministro Andin Bikker a trece dilanti durante su ronda di contesta pregunta den Parlamento.

El a bisa cu el a scucha oponentenan haci mofa cu e idea di bin cu 200 Polis nobo pa aña.  Esey ta algo cu Ministro Bikker a bisa cu no ta berdad.

El a clarifica cu ora cu Gobierno nobo a sinta, nan a priminti cu nan lo bin cu 200 Polis nobo den 4 aña di gobernacion.  Esey nifica cu nan ta enfoca riba promedio di 50 Polis nobo pa aña.

Ya caba algun siman pasa a core fix financiamento pa salario di e prome grupo cu ta cuminza les pa bira Polis.

Ministro Bikker a splica cu contrario na Gobierno anterior, esun nobo aki lo pone “High Impact Crimes” como prioridad.  Esey ta loke pueblo kier mira mas accion riba dje.  Pesey mes Gobierno ta trahando pa trece e.o. e Helicopter bek y tambe cuminza haci uso di Drone pa vigilancia.  Fuera di esey, ta bay traha pa tur Patruya di Polis tin computer den auto, pa asina nan por cuminza haci mihor control riba caya.

Den palabra di Ministro Bikker, esaki lo nifica cu Polis ta bay bira mas visible na Aruba.

Fuera di esey, el a mustra cu aworaki no tin un database accesible facil riba Computer pa autoridad check si un stranhero cu yega ta un hende indeseable of no.  Y esey ta unda cu lo bay traha riba dje tambe.

Fuera di esey, e titular di Husticia a mustra cu keto bay leynan di Aruba ta hopi bieu.  Algun ley ta data di 1817, pues nan ta sumamente anticua.  Tur cos na Aruba ta draai rond di ley, si ta medicina, turismo, labor, tur ta di ley.  Si bo ley ta bieu, bo sociedad ta cay atras.  Ley mester ta up to date.  Con ta logra esaki?  Gobierno a bay Hulanda y yega na acuerdo cu Gobierno na Den Haag, cu nan ta bay pone disponible expertonan pa yuda acelera pa moderniza e leynan.

Ministro a papia cu Hirsch Ballin, kende ta bay duna un man pa asina den futuro Aruba por bay implementa tratadonan na forma mas facil.  Di con varios Tratado Internacional no ta valido na Aruba?  Djis pasobra Aruba no tin ley pa adapta den su sistema, e tratadonan internacional aki.

Pesey awor Gobierno kier bin cu formula, pa asina e por pone cu den menos di un aña, e isla aki por cuminza implementa y acepta tratadonan internacional, incluyendo e Tratado di Istanbul cu tin di haber cu maltrato domestico.

 

- Advertisement -

DUNA COMENTARIO

Please enter your comment!
Please enter your name here